Sambhavna Seth: 'माझ्या घरी आले, लक्ष्मी-गणेश...'; 7 वेळा फेल IVF, मिसकॅरेजनंतर 45 व्या वर्षी जुळ्या मुलांची आई झाली प्रसिद्ध अभिनेत्री

TV Star Sambhavna Seth Celebrates Motherhood: लग्नाच्या 10 वर्षांनंतर अभिनेत्रीला झाली जुळी मुलं.

TV Star Sambhavna Seth

TV Star Sambhavna Seth: टीव्ही आणि भोजपूरी इंडस्ट्रीतील (Actress) प्रसिद्ध अभिनेत्री संभावना सेठच्या (Sambhavna Seth) घरी नव्या पाहुण्याचं आगमन झालं आहे. अभिनेत्रीला जुळी मुलं झाली आहेत.

अभिनेत्रीने जुळी मुलं झाल्याची गुडन्यूज इन्स्टाग्रामवर आपल्या चाहत्यांसोबत शेअर केली आहे. तिनं इन्स्टाग्रावर पोस्ट शेअर केली असून, तिच्या पोस्टवर नेटकऱ्यांनी कमेंट करुन शुभेच्छांचा वर्षाव केला आहे.

संभावना आणि तिचे पती अविनाश द्विवेदी यांनी 10 वर्षांपूर्वी लग्न केलं होतं. 10 वर्षांनंतर दोघेही पॅरेंट्स क्लबमध्ये सामिल झाले आहेत. या कपलला एक मुलगा आणि एक मुलगी झाली आहे.

संभावनाने इन्स्टा फॅन्ससोबत आई झाल्याची आनंदाची बातमी शेअर केली आहे. तिनं पोस्टला, 'या वर्षीची मोठी दिवाळी लवकर आली आहे', असं कॅप्शन दिलं आहे.

'आमच्या घरी लक्ष्मी आणि गणेश दोन्ही आले आहेत. आमचं हृदय आनंदाने भरुन आलंय. हर हर महादेव...' फॅन्सने संभावना आणि अविनाशला कमेंटद्वारे भरभरुन शुभेच्छा दिल्या आहेत.

अभिनेत्रीने आपले काही रडतानाचे फोटो शेअर केले आहेत. एका फोटोमध्ये अभिनेत्री आपल्या जुळ्या मुलांना घेऊन भावुक झाली असल्याचं पाहायला मिळालं.

या फोटोवरुन असे दिसते की, या जोडप्याने बाळाची डिलिव्हरी पाहिली असेल. दुसऱ्या फोटोमध्ये अभिनेत्रीच्या डोळ्यात अश्रु आहेत. तर, एका फोटोमध्ये अभिनेत्रीचा नवरा तिला आधार देताना दिसत आहे.

अनेक संघर्षानंतर, तिला सरोगसीद्वारे आई होण्याचा आनंद मिळाला आहे. अभिनेत्री वयाच्या 45 व्या वर्षी आई झाली आहे. आई होण्यासाठी अभिनेत्रीने आयव्हीएफचा आधार घेतला. तिचे आयव्हीएफचे आठ प्रयत्न अयशस्वी ठरले होते. तिचे मिसकॅरेजही झाले होते.