In Pics : 'रूही ते मुंबई सागा' हे चित्रपट होणार मार्चमध्ये प्रदर्शित

अर्जुन कपूर आणि परिणीती चोप्राचा 'संदीप और पिंकी फरार' हा चित्रपट येत्या 19 मार्च रोजी प्रदर्शित होणार असल्याची माहिती चित्रपटातील अभिनेता अर्जुन आणि परिणीतीने सोशल मीडियावर त्यांचे लूक पोस्टर्स शेअर करताना दिली. यात ते दोघे गुन्हेगाराची भूमिका साकारत आहेत. दिग्दर्शक दिबाकर बॅनर्जी यांच्या या ब्लॅक कॉमेडीत अर्जुन आणि परिणीती तिसऱ्यांदा एकत्र काम करत आहे.

बॉलिवूडमध्ये अंडरवर्ल्ड गुन्हेगारीवर आधारित 'मुंबई सागा' हा चित्रपट गेल्या काही दिवसांपासून चर्चेत आहे. 19 मार्चला हा चित्रपट प्रदर्शित होणार आहे. जॉन अब्राहम आणि इम्रान हाश्मी स्टारर चित्रपटाचा टीझर समोर आला आहे. या टीझरमुळे अ‍ॅक्शनपटाची कथा नक्की काय असेल याचाही अंदाज येतो.

शरमन जोशीचा 'फौजी' हा चित्रपट 12 मार्चला प्रदर्शित झाला आहे. हा चित्रपट सैनिकांच्या जीवनावर आधारित आहे.

कॅटरिना कैफची बहीण इजाबेल कैफ चा डेब्यू चित्रपट 'टाइम टू डान्स' चा ट्रेलर रिलीज झाला आहे. हा एक नृत्यावर आधारित चित्रपट आहे. यामध्ये अभिनेता सूरज पंचोली इजाबेलसोबत दिसणार आहे. गेल्या अनेक दिवसांपासून या चित्रपटाची चर्चा सुरू होती. हा चित्रपट 12 मार्चला प्रदर्शित होणार आहे.

कोरोना काळातील संकटानंतर अखेर जीवनाचा गाडा पूर्ववत होत आहे. त्यातच अनेक नियमांना शिथिलताही मिळाली आहे. याच धर्तीवर चित्रपटगृहांमध्ये प्रेक्षकांना प्रवेश दिला जाण्यासही सुरुवात करण्यात आली आहे. परिणामी अनेक कलाकारांनी पुन्हा एकदा त्यांच्या आगामी चित्रपटांच्या आणि प्रदर्शनासाठी तयार असणाऱ्या चित्रपटांवर लक्ष केंद्रीत करण्यास सुरुवात केली आहे.

धडक गर्ल' जान्हवी कपूर आणि राजकुमार यांचा 'रूही' हा चित्रपट एक कॉमेडी-हॉरर चित्रपट असून यात राजकुमार राव एका फोटोग्राफरच्या भूमिकेत दिसणार आहे. हा चित्रपट 11 मार्चला प्रदर्शित होणार आहे.