Raja Shivaji: ‘राजा शिवाजी’ मोडणार ‘या’ सर्वाधिक कमाई करणाऱ्या 10 चित्रपटांचा रेकॉर्ड, पाहा किती नंबरवर?

Raja Shivaji: रितेश देशमुखचा सिनेमाराजा शिवाजी भारतीय बॉक्स ऑफिसवर आपली छाप पाडणं सुरूच ठेवून आहे. केवळ शनिवार-रविवारच नव्हे, तर आठवड्याच्या इतर दिवशीही हा सिनेमा दमदार कामगिरी करतोय.

Riteish Deshmukh Raja Shivaji: रितेश देशमुख दिग्दर्शित आणि अभिनित राजा शिवाजी चित्रपट 1 मे रोजी चित्रपटगृहात प्रदर्शित झाला.

advance बुकिंग मध्येच दमदार कमाई केल्यानंतर हा सिनेमा 50 कोटी रुपयांचा टप्पा गाठण्याच्या अगदी जवळ पोहोचला आहे.सहाव्या दिवशी या चित्रपटाने 4.25 कोटी रुपयांची कमाई केली.

मराठीत सर्वाधिक बजेट असणाऱ्या चित्रपटांपैकी एक असणाऱ्या या चित्रपटाने सर्वाधिक कमाई करणाऱ्या चित्रपटांच्या यादीत चौथ्या क्रमांकावर गेलाय.

आतापर्यंत सर्वाधिक कमाई करणारा ब्लॉकबस्टर सैराट हा चित्रपट पहिल्या क्रमांकावर आहे. 90 कोटी रुपये या चित्रपटाने कमावले होते.

दुसऱ्या क्रमांकावर 'बाईपण भारी देवा' या चित्रपटाचा नंबर लागतो.

तिसऱ्या क्रमांकावर रितेश देशमुखचाच वेड हा चित्रपट आहे. 'वेड'ची एकूण (लाईफटाईम) कमाई 61.2 कोटी इतकी आहे.

Continues below advertisement

राजा शिवाजी चौथ्या क्रमांकावर पोहोचलाय. अवघ्या सहा दिवसात या चित्रपटाने 47.6 कोटी रुपये कमावलेत.

नाना पाटेकरांचा नटसम्राट (42 कोटी), पावनखिंड (37.72 कोटी) आणि रितेशचा लई भारी(37 कोटी) चित्रपट पाचव्या सहाव्या आणि सातव्या क्रमांकावर आहेत.

त्यानंतर कट्यार काळजात घुसली (35 कोटी), ठाकरे (31.6) आणि टाईमपास 30 कोटी रुपयांची कमी करत दहाव्या क्रमांकावर आहे.