प्रसिद्ध गायिकाची अलिशान खरेदी, मुंबईत घेतलं कोट्यवधींचं घर; अभिनेत्री पत्नी अन् लेकीसह गृहप्रवेश, PHOTOs

Rahul Vaidya-Disha Parmar Griha Pravesh: राहुल वैद्य आणि दिशा परमार यांनी मुंबईत 9 कोटींचं आलिशान घर घेतलं.

Rahul Vaidya-Disha Parmar Griha Pravesh

हिंदी मनोरंजनसृष्टीत गायक राहुल वैद्यने आपल्या आवाजाने प्रेक्षकांना मंत्रमुग्ध केलं. आता सिंगरच्या आयुष्यात एक आनंदाचा क्षण आला आहे.

गायक राहुल वैद्य आणि अभिनेत्री दिशा परमार या जोडप्याने आलिशान घर घेतलं आहे. दोघांनी आपल्या स्वप्नाच्या नव्या घरात गृहप्रवेश केला आहे.

या गृहप्रवेश सोहळ्याचे फोटो दोघांनीही आपल्या सोशल मीडिया अकाऊंटवर शेअर केले आहेत.

दिशा आणि राहुलने अगदी पारंपारिक पद्धतीने घराची पुजा केली. दोघांनी मेहनतीने हे आलिशान घर घेतलं आहे.

दोघांच्या पहिल्या घराची झलक पाहून चाहत्यांना आनंद झाला आहे. चाहत्यांनी दोघांवर शुभेच्छांचा वर्षाव केला आहे.

राहुल आणि दिशासाठी हे घर खास आहे, कारण लेकीच्या जन्मानंतर त्यांनी हे पहिलचं मोठं घर घेतलं आहे. घराची पुजा सुरु असताना दिशा, राहुल आणि त्यांची लेक देखील उपस्थित होती.

दिशाने पिवळ्या रंगाचा ड्रेस परिधान केला होता. तर, राहुल वैद्यने पांढरा शर्ट आणि निळ्या रंगाची जिन्स घातली होती. दोघेही सिंपल लूकमध्ये होते. तर, त्यांच्या लेकीने पोपटी रंगाचा फ्रॉक घातला होता.

दिशा आणि राहुलचे हे घर मोठे आणि आलिशान आहे. गुढी पाडव्याच्या शुभ मुहूर्तावर त्यांनी घरात प्रवेश केला. त्यांचे हे घर वांद्रे पश्चिममध्ये स्थित असून, 9 कोटींमध्ये हे घर त्यांनी विकत घेतलं आहे.