Priya Bapat On Lesbian Itimate Scene: मराठमोळ्या प्रिया बापटचा 'तो' लेस्बियन इंटिमेट सीन, सोशल मीडियावर VIRAL; वडील म्हणालेले...

Priya Bapat Fathers Reaction On Lesbian Itimate Scene: प्रिया बापट मराठी, हिंदी सिनेसृष्टीतील एक लोकप्रिय अभिनेत्री. आपल्या वेगळ्या धाटणीच्या भूमिकांसाठी प्रिया बापट ओळखलं जाते.

Priya Bapat Fathers Reaction On Lesbian Itimate Scene

Priya Bapat Fathers Reaction On Lesbian Itimate Scene: प्रिया बापट मराठी आणि हिंदी सिनेसृष्टीतील एक लोकप्रिय अभिनेत्री. आपल्या वेगळ्या धाटणीच्या भूमिकांसाठी प्रिया बापट ओळखलं जाते. तिच्या दमदार भूमितकांसाठी प्रिया नेहमीच चर्चेत असते.

प्रिया बापटनं आजवर अनेक भूमिका केल्या, त्यातल्या बऱ्याच भूमिका गाजल्याही. अशातच 'सिटी ऑफ ड्रीम्स' (City Of Dreams) वेब सीरिजमधल्या तिच्या भूमिकेची जोरदार चर्चा झालेली.

'सिटी ऑफ ड्रीम्स' वेब सीरिजमध्ये प्रिया बापट हिनं लेस्बियन राजकारणी महिलेची भूमिका साकारली होती. तर, याच वेब सीरिजमधला प्रिया बापटचा एक 'इंटिमेट' सीन प्रचंड व्हायरल झालेला.

यापूर्वी प्रिया बापट अनेकदा त्या इंटिमेट सीनवर बोलली आहे. अशातच नुकत्याच दिलेल्या एका मुलाखतीत प्रियानं 'इंटिमेट' सीन व्हायरल झाल्यानंतर पालकांची प्रतिक्रिया काय होती? यावर भाष्य केलंय.

तसेच, स्वतःपेक्षा वयानं 9 वर्ष मोठ्या असणारा मराठी अभिनेता उमेश कामत यांच्याशी लग्न करण्याचा निर्णय घेतल्यानंतर पालकांची प्रतिक्रिया काय होती? यावरही तिनं भाष्य केलं आहे.

'फिल्मफेअर'शी (Filmfare) बोलताना प्रिया बापट म्हणाली की, "माझ्या लग्नाच्या आदल्या रात्री माझी आई माझ्याकडे आली आणि म्हणाली, "आम्हाला माहीत आहे की, हे लव्ह मॅरेज आहे, तो तुझ्यापेक्षा वयाने आठ वर्षांनी मोठा आहे आणि त्याच क्षेत्रातील आहे..."

"पण काहीही झालं तरी, जर तुझ्या वैवाहिक आयुष्यात कधी काही अडचण किंवा समस्या आली, तर तू थेट माझ्याकडे यायचंस, आयुष्यात दुसरं काहीही पाऊल उचलायचं नाहीस...", असं आईनं सांगितल्याचं प्रिया बापट म्हणाली.

प्रिया बापटनं बोलताना सांगितलं की, तिचं तिच्या पालकांसोबत खूप घट्ट नातं आहे. तसेच, ती त्यांना सर्वच गोष्टी सांगते. त्यांनीसुद्धा अनेक विषयांवर प्रियाशी कोणतीही आडकाठी न ठेवता, थेट संवाद साधला आहे.

प्रियानं पुढे बोलताना म्हटलं की, माझा 'सिटी ऑफ ड्रीम्स' वेब सीरिजमध्ये जेव्हा एक इंटीमेट सीन होता, ज्यामध्ये मी एका मुलीलाच किस करते... हा सीन व्हायरल झाल्यानंतर मी स्वतःच माझ्या वडिलांशी बोलले होते.

प्रियानं सांगितलं की, "मी माझ्या वडिलांना फोन केलेला आणि सांगितलेलं की, तुमच्याकडे मोबाईल फोन आहे, युट्यूब आहे, तर कधीही स्क्रोल करताना तुम्हाला एखादा व्हिडीओ दिसला, तर मला तुम्हाला सांगायचंय की, तो सीन नेमका काय होता..."

प्रियानं सांगितलं की, त्या इंटिमेट सीनवरची त्यांची रिअॅक्शन पाहताना ती शॉक झालेली, कारण तिचे वडील 84 वर्षांचे आहेत. दोघांमध्ये जनरेशनचं खूपच अंतर आहे. ते 44 वर्षांचे होते, जेव्हा त्यांचं लग्न झालेलं, असं असूनही, त्यांनी मला त्या उणीवेची कधीच जाणीव होऊ दिली नाही.

यानं सांगितलं, इंटीमेट सीन्सबाबत माझे बाबा म्हणालेले की, "हा तुझ्या कामाचाच एक भाग आहे; तू एक पात्र साकारत होतीस, त्यामुळे त्यात काहीच गैर नाही. जग असंच आहे, हे तुला स्वीकारावं लागेल. ट्रोलिंगची काहीही काळजी करण्याची गरज नाही..."