Prateik Babbar Wedding: दुसऱ्यांदा लग्नाच्या बेडीत अडकला 'या' दिग्गज मराठी अभिनेत्रीचा लेक; नववधूसोबतच्या लिपलॉकमुळे PHOTO चर्चेत

Prateik Babbar Wedding: दिवंगत अभिनेत्री स्मिता पाटील आणि राज बब्बर यांचा मुलगा प्रतीक बब्बर पुन्हा एकदा लग्नबंधनात अडकला आहे. लग्नानंतर या जोडप्याचे पहिले फोटोही समोर आले आहेत.

Prateik Babbar Wedding PHOTOs

बॉलिवूड अभिनेता प्रतीक बब्बरनं व्हॅलेंटाईन डे म्हणजेच, 14 फेब्रुवारी रोजी त्याची प्रेयसी प्रिया बॅनर्जीसोबत लग्नगाठ बांधली. लग्नात हे नवदाम्पत्य शाही लूकमध्ये दिसलं.

अभिनेता प्रतीक बब्बर हा ज्येष्ठ अभिनेते राज बब्बर आणि दिवंगत अभिनेत्री स्मिता पाटील यांचा मुलगा आहे. ज्यानं आज त्याची प्रेयसी प्रिया बॅनर्जीशी लग्न केलं.

प्रतीक बब्बरनं आता त्याच्या इंस्टाग्राम अकाउंटवर लग्नाचे काही फोटो शेअर केले आहेत. ज्यामध्ये दोघेही लग्नाचे विधी पार पाडताना दिसले.

मंडपातील एका फोटोमध्ये प्रतीक बब्बर काहीसा भावूक झाल्याचं पाहायला मिळालं. यावेळी त्याची नववधू प्रिया बॅनर्जी त्याला आधार देताना दिसली.

प्रतीक आणि प्रियानं लग्नात मॅचिंग आऊटफिट्स कॅरी केले होते. अभिनेता ऑफ-व्हाईट शेरवानीमध्ये दिसला. प्रियानंही त्याच रंगाचा लेहेंगा वेअर केलेला.

लग्नानंतर, प्रतीक आणि प्रिया पापाराझींनाही भेटले. तिथे दोघेही कॅमेऱ्यासमोर लिप-लॉक करताना दिसले.

याशिवाय, या नवविवाहित जोडप्यानं पापाराझींना त्यांच्या लग्नाची मिठाई देखील वाटली. यावेळी दोघांच्याही चेहऱ्यावरुन आनंद ओसंडून वाहत होता.