मराठमोळ्या प्राजक्ता माळीची 'कान्स'वारी; ऑफशोल्डर लाल गाऊनमध्ये दिमाखात मिरवली, घायाळ करणारे PHOTOs पाहिलेत?

Prajakta Mali Cannes Film Festival 2026 Red Carpet Look: मराठी प्रेक्षकांसाठी अभिमानाची बाब म्हणजे, सर्वांची लाडकी प्राजक्ता माळी कान्स फिल्म फेस्टिव्हलमध्ये झळकली आहे.

Prajakta Mali Cannes Film Festival 2026 Red Carpet Look

Prajakta Mali Cannes Film Festival 2026 Red Carpet Look: 'महाराष्ट्राची हास्यजत्रा' फेम अभिनेत्री प्राजक्ता माळी म्हणजे, लाखो तरुणांच्या दिलाची धडकन.

प्राजक्ता या ना त्या कारणानं नेहमीच चर्चेत असते. पण, सध्या प्राजक्ता माळी चर्चेत आहे ती, तिनं 'कान्स फिल्म फेस्टिवल'मध्ये उपस्थित राहिल्यामुळे.

सध्या सर्वांच्या नजरा फ्रान्समध्ये सुरू असलेल्या प्रतिष्ठित अशा 79व्या कान्स फिल्म फेस्टिव्हलकडे लागलं आहे.

आजवर कान्सच्या रेड कार्पेटवर अनेक हॉलिवूड आणि बॉलिवूड स्टार्स झळकताना दिसलेत. पण, यंदाचा कान्स फिल्म फेस्टिवल मराठी प्रेक्षकांसाठी खूपच खास आणि त्यासोबतच अभिमानानं मान उंचावणारा ठरलाय.

यंदा मराठी अभिनेता पुष्कर जोग कान्सच्या रेड कार्पेटवर उतरला आणि त्यापाठोपाठ आता प्राजक्ता माळीसुद्धा कान्सच्या मंचावर दिमाखात मिरवताना दिसली.

चाहत्यांची लाडकी अभिनेत्री प्राजक्ता माळी हिनं कान्सच्या मंचावर दिमाखात एन्ट्री घेतली. सध्या तिचे कान्समधले फोटो सोशल मीडियावर वेगानं व्हायरल होत आहेत.

प्राजक्ताने कान्स फेस्टिव्हलमधील तिचे स्टायलिश फोटो चाहत्यांसोबत शेअर केले आहेत.

एका बोल्ड लाल रंगाच्या ऑफ-शोल्डर गाऊनमध्ये प्राजक्ता माळी कान्समध्ये झळकली आहे. त्यासोबतच मिनिमल मेकअप आणि कॉन्फिडन्स तिच्या चेहऱ्यावर ओसंडून वाहतोय.

प्राजक्ता माळी हिनं स्वतः इन्स्टाग्राम हँडलवर स्वतःचे फोटो पोस्ट केले आहेत. त्यासोबतच तिनं 'Having My Cannes Moments' असं कॅप्शन दिलं आहे.

जागतिक मंचावर प्राजक्ताचा हा अत्यंत स्टायलिश लूक पाहून तिच्या चाहत्यांनी तिच्यावर कौतुकाचा वर्षाव केला आहे. तसेच, प्राजक्ताचं इंटरनॅशनल प्लॅटफॉर्मवर झळकणं महाराष्ट्रासाठी अभिमानाची बाब आहे, अशा कमेंट्सही अनेकांनी केल्या आहेत.

मराठी भाषेला मिळालेल्या 'अभिजात दर्जा'च्या पार्श्वभूमीवर, कान्स फेस्टिव्हलमध्ये 'भारत पॅव्हेलियन' अंतर्गत एका विशेष सोहळ्याचं आयोजन करण्यात आलं होतं.

या जागतिक मंचावर 'अभिजात मराठी'चं ग्लोबल लाँचिंग करण्यासाठी प्राजक्ता माळी तिथे अधिकृत प्रतिनिधी म्हणून उपस्थित राहिली आहे.

प्राजक्ता माळीसोबतच कान्समध्ये मराठीतले दिग्गज अभिनेते अशोक सराफ, अभिनेत्री निवेदिता सराफ आणि सोशल मीडिया इन्फ्लुएन्सर अंकिता वालावलकरसुद्धा आहे.