बिग बॉसमधील छोटा डॉन प्रेमात पडला? कोण आहे त्याची स्वप्नसुंदरी? तन्वीचा नाद सोडला?

Prabhu Shelke confession to Ruchita in Bigg Boss Marathi 6: बिग बॉस मराठी 6 मध्ये प्रभू शेळके आणि रुचितामध्ये नवा लव्ह अँगल तयार होताना दिसत आहे.

Bigg Boss Marathi 6

बिग बॉस मराठीच्या सहाव्या सिझनला प्रेक्षकांकडून भरभरुन प्रतिसाद मिळतो आहे. या सिझनमधून अनेक तगडे कलाकार एलमिनेट झाले. आता या घरात 3 स्पर्धकांची वाईल्ड कार्ड एन्ट्री झाली. या शोमधील रंगत अधिक वाढत चालली आहे. बिग बॉसमध्ये पहिल्या दिवसापासून छोटा डॉन अर्थात प्रभू शेळकेची प्रचंड चर्चा रंगली होती.

बिग बॉस मराठीच्या घरात अनेक जोड्यांची चर्चा झाली. आयुष - संजीव, रुचिता - विशाल यासह राखी - विशाल यांच्यातील काही रोमँटिक कनेक्शन प्रेक्षकांना आवडले होते. सध्या राखी आणि राकेशमध्ये जुळतं की नाही? हे पाहणं उत्सुकतेतचं ठरेल.

दरम्यान, प्रभू शेळकेनं घरातील एका सदस्याला, 'मला तू आवडलीस' असं स्पष्टपणे म्हटलंय. चक्क छोटा डॉन हा प्रेमात पडला आहे.

छोटा डॉन तिच्यासमोर जातो. तसेच तिला,'मला तू आवडलीयेस, म्हणून मी तुझ्या मागे लागलो आहे', असं थेट म्हणतो.

यावर ती सदस्य, आवडलीस म्हणजे काय? ताई म्हणून आवडली का? असं प्रश्न विचारते. यावर प्रभू, 'नाही नाही. ताई म्हणून नाही. मी तन्वीला सोडलं आहे, आता तुला धरलं आहे', असं म्हणतो.

सगळे सदस्य एकत्र नाश्ता करण्यासाठी बसतात. तेव्हा छोटा डॉन बिग बॉसला ओरडून सांगतो, 'मला तन्वीच्या मागे फिरुन वैताग आला आहे. आता मला रुचिता आवडते'.

त्यावर रुचिता म्हणते, 'आवडते म्हणजे काय? गेमसाठी आवडते का?' त्यावर प्रभू म्हणतो, 'नाही मला तू खरंच आवडते, आता तुझ्यासोबत मला खेळायचं आहे'.

राखी हे सगळं पाहून चिडवते, 'तो 20 वर्षांचा आणि तू 22 वर्षांची आहे.. काय होतंय त्याला?', असं म्हणते. '27-28', असलं तरी काही फरक पडत नाही', असं प्रभू म्हणतो. प्रभू आधी तन्वीच्या मागे फिरताना दिसत होता. नंतर त्यानं रुचितावर लक्ष केंद्रित केलं. आता लव्ह स्टोरीमध्ये कोणता ट्विस्ट पाहायला मिळतोय, हे लवकरच समोर येईल.