खेळण्याच्या वयात चहाच्या दुकानात भांडी घासली, मित्रानं हात धरल्यामुळे इंडस्ट्रीची वाट गवसली, दिग्गज अभिनेत्याला ओळखलं का?

Om Puris Struggle Story:ओम पुरी यांचं बालपण अत्यंत गरिबीत गेलं. कुटुंबासाठी त्यांनी लहान वयातच काम करण्यास सुरुवात केली.

Om Puris Struggle Story

दिवंगत अभिनेते ओम पूरी यांनी अथक परिश्रम, आणि संघर्षातून यश मिळवले. त्यांनी आपल्या अभिनयातून प्रेक्षकांच्या मनावर अधिराज्य गाजवलं. केवळ बॉलिवूड नाही तर, त्यांनी हॉलिवूडमधून आपल्या अभिनयाचं नाणं खणखणीत वाजवलं.

त्यांनी दोन्ही सिनेसृष्टीत दमदार अभिनयातून आपली ओळख निर्माण केली. परंतु, त्यांचा प्रवास खूप खडतर होता.

लहानपणी त्यांनी हालाखीचे दिवस काढले. अभिनेत्याचे बालपण अत्यंत गरिबीत गेले. वयाच्या सहाव्या वर्षी त्यांनी कुटुंबाला आर्थिक मदत करण्यासाठी छोटी मोठी कामे करण्यास सुरूवात केली.

ओम पूरी चहाच्या टपरीवर भांडी धुण्यास सुरूवात केली होती. लहानपणापासून त्यांनी लोको पायलट होण्याचे स्वप्न पाहिले होते.

त्यांना कधीही विचार केला नव्हता की, ते एके दिवशी अभिनय जगतात चमकणारा तारा बनतील. ओम पुरी हे एक असे नाव आहे, ज्यांनी कठीण परिस्थितीतही लढा दिला. आज अभिनय क्षेत्रात त्यांचं नाव अजरामर आहे.

Continues below advertisement

ओम पुरी यांचा जन्म 18 ऑक्टोबर 1950 रोजी पंजाबमधील पटियाला जिल्ह्यात झाला. त्यांच्या कुटुंबाची आर्थिक परिस्थिती बिकट होती.

त्यामुळे त्यांनी लहानपणी छोटी मोठी कामे करण्यास सुरूवात केली. भांडी धुणे अशी कामे त्यांनी केली. तसेच घराचा खर्च उचलला.

ओम पुरी यांच्या दुसऱ्या पत्नी नंदिता यांनी त्यांच्याबद्दल अनलाइकली हिरो:ओम पुरी हे पुस्तक लिहिले. ज्यात त्यांनी ओम पुरी यांच्या आयुष्यातील अनेक किस्से आणि पैलुंचे वर्णन केले. त्यांच्या पत्नीनं सांगितलं की, " ओम पुरींना ट्रेन प्रचंड आवडत होती. ते अनेकदा रात्री रेल्वे यार्डमधील ट्रेनमध्ये झोपायचे. त्यांना लोको पायलट बनण्याची इच्छा होती. परंतु, नशिबात त्यांच्या वेगळं लिहिलं होतं. अभिनय क्षेत्रात त्यांनी पाऊल ठेवलं".

" त्यांनी नॅशनल स्कूल ऑफ ड्रामामध्ये प्रवेश मिळवला. तिथे त्यांची नसीरूद्दीन शाहशी ओळख झाली. दोघांमध्ये मैत्री झाली".

"त्यांनी पुण्यातील फिल्म अँड टेलिव्हिजन इन्स्टि्यूट ऑफ इंडियामध्येही एकत्र शिक्षण घेतले. अभिनेता अनुपम खेर यांनी आयोजित केलेल्या एका कार्यक्रमात ते म्हणाले, "मी नसीरूद्दीन शाह यांचे खूप ऋणी आहे. माझे मार्गदर्शक कुणीही असले तरी, मला खरा अभिनेता बनवण्याचं श्रेय त्यांना जाते. जर, ते माझ्या पाठीशी उभे राहिले नसते, तर कदाचित मी या ठिकाणी नसतो. मी नेहमीच त्यांचा ऋणी राहेन", असं त्यांनी म्हटलं होतं.