Monalisa Muslim Husband Farman Khan: 6 महिन्याआधीच जडलं प्रेम, नंतर कुटुंबाच्या विरोधात जाऊन बांधली लग्नगाठ; मोनालिसाचा मुस्लिम नवरा फरमान खान आहे तरी कोण?

Monalisa Muslim Husband Farman Khan: महाकुंभ मेळ्यातील व्हायरल गर्ल मोनालिसा सोशल मीडियावर प्रचंड गाजली. तेव्हापासूनच मोनालिसाचं नशीब फळफळलं. अशातच आता मोनालिसाच्या आयुष्यात नवं वळण आलं आहे.

Mahakumbh Mela Viral Girl Monalisa Wedding With Farman Khan

मोनालिसानं लग्न केलंय. मोनालिसानं आपल्या मुस्लिम बॉयफ्रेंडशी लग्नगाठ बांधली आहे. त्यामुळे चाहत्यांना आश्चर्याचा धक्का बसला आहे.

आपल्या कुटुंबाच्या इच्छेविरुद्ध मोनालिसानं केरळमधील एका मंदिरात आपलं लग्न उरकलं. मोनालिसानं तर पोलिसांत धाव घेऊन पोलीस संरक्षणाचीही मागणी केली होती. आता, तिच्या लग्नाची सगळीकडे चर्चा सुरू आहे.

मोनालिसानं कोणाशी लग्न केलं, तिचा पती काय करतो? आणि त्यांची भेट कशी झाली? याबाबत जाणून घेण्याची सर्वांना उत्सुकता लागली आहे.

मोनालिसानं झटपट लग्न उरकल्याचं समोर आलं आणि सर्वांना धक्का बसला. मीडिया रिपोर्टनुसार, मोनालिसाच्या पतीचं नाव फरमान खान असं आहे. फरमान खान एक अभिनेता आहे. सोशल मीडियावर त्याचं एक प्रोफाइल असून, तिथे तो विविध प्रकारच्या भूमिका साकारताना दिसून येतो.

फरमानचा सुपरस्टार रजनीकांत यांच्यासोबतचा एक फोटोही तिथे पाहायला मिळतो. या अभिनेत्यानं मोनालिसासोबत एका चित्रपटातही काम केलं आहे. हा मल्याळम सिनेमा असून त्याचं नाव 'नगमा' (Nagma) असं आहे. फरमाननं अनेक दक्षिण भारतीय आणि भोजपुरी सिनेमांमध्ये छोट्या-मोठ्या भूमिका साकारल्या आहेत. एजाज खान, पुनीत इस्सार, अक्षरा सिंह आणि खेसारी लाल यादव यांसारख्या कलाकारांसोबतचे त्याचे फोटोही उपलब्ध आहेत.

Continues below advertisement

मोनालिसा आणि फरमान यांचं अवघ्या सहा महिन्यांपूर्वीच जुळलं. त्यांची भेटही केरळमध्येच झाली होती. मोनालिसाने केरळमध्ये 'नागम्मा' (Naagamma) नावाचा एक चित्रपट केलेला. याच चित्रपटात फरमानही एक कलाकार म्हणून काम करत होता.

सहकलाकार म्हणून त्यांची पहिली भेट झाली आणि चित्रपटाच्या कामादरम्यानच ते एकमेकांच्या अधिक जवळ आलं. त्यांनी या सिनेमाचा एकत्रितपणे प्रचारही केला होता. या जोडीनं सोशल मीडियावर त्यांचे अनेक फोटो शेअर केले आहेत, ज्यातून त्यांची रोमँटिक केमिस्ट्री आणि त्यांच्यातील जवळीक स्पष्टपणे दिसून आलीय.

ऑक्टोबर 2025 मध्ये भेटलेले मोनालिसा आणि फरमान आता विवाहबंधनात अडकलेत. नुकत्याच समोर आलेल्या एका व्हिडीओमध्ये फरमाननं हा खुलासा केलाय की, मोनालिसानंच त्याला लग्नाची मागणी घातली होती, सुरुवातीला त्यानं ही मागणी नाकारलेली, पण कालांतरानं त्यानं संमती दिली.