Ankita Prabhu Walawalkar Wedding Photos: वालावलकरांचो थोरलो जावई... नवऱ्यासाठी खास पोस्ट करत 'कोकण हार्टेड गर्ल'नं शेअर केले लग्नाचे PHOTO

Kokan Hearted Girl Ankita Prabhu Walawalkar Wedding Photos: कोकण हार्टेड गर्लचा शाही विवाहसोहळा मोठ्या थाटामाटात पार पडला. सध्या सोशल मीडियावर फोटो व्हायरल होत आहेत.

Kokan Hearted Girl Ankita Prabhu Walawalkar Wedding Photos

सोशल मीडिया इन्फ्लुएन्सर आणि बिग बॉस मराठीमुळे घराघरांत पोहोचलेली 'कोकण हार्टेड गर्ल' अंकिता वालावलकरनं आपला बॉयफ्रेंड कुणाल भगतसोबत लग्नगाठ बांधली.

अंकिता आणि कुणालचा शाही विवाह सोहळा मोठ्या थाटामाटात पार पडला.

'कोकण हार्टेड गर्ल' अंकिता वालावलकरनं तिच्या शाही सोहळ्याचे फोटो सोशल मीडियावर शेअर करुन चाहत्यांसोबत आनंदाची बातमी शेअर केली आहे.

अंकिता प्रभू वालावलकरनं स्वतः इन्स्टाग्राम फोटो शेअर करत यासंदर्भात माहिती दिली आहे. 'वालावलकरांचो थोरलो जावई', असं कॅप्शन अंकितानं लग्नाचे फोटो शेअर करताना दिलं आहे.

अंकितानं इन्स्टाग्राम पोस्टमध्ये पुढे लिहिलं आहे की, "मी त्याची पत्नी झालेय, याकरता माझा नवरा कुणाल भगतचे खूप अभिनंदन... तो धन्य झालाय."

अंकितानं लग्नासाठी खास पिवळ्या जरदोसी नक्षी असलेली सुंदर साडी नेसली होती. हातात हिरवा चुडा, मुंडावळ्या, गळ्यात डिझायनर नेकलेस असा काहीसा लूक कोकण हार्टेड गर्लनं आपल्या लग्नासाठी केला होता.

कुणालनं लग्नासाठी मराठमोळा पेहराव केला होता. अंकितानं शेअर केलेल्या फोटोंमध्ये दोघांचा जोडा अगदी सुरेख दिसत आहे.

लग्नानंतर केलेल्या सोशल मीडियावरच्या पोस्टमध्ये अंकितानं आपल्या लग्नाच्या ठिकाणाचा उल्लेख केला आहे.

अंकिता-कुणाल यांचा शाही विवाहसोहळा कोकणातील प्रसिद्ध मंदिरात पार पडला. दोघांनी सिंधुदुर्ग जिल्ह्यातील वालावलमध्ये असणाऱ्या 'लक्ष्मीनारायण मंदिरा'त लग्नगाठ बांधली.

अंकिताचा नवरा कुणाल भगत हा मराठी सिनेविश्वातील संगीतकार आहे. तसेच, त्यानं अनेक मालिकांची शीर्षकगीतं देखील संगीतबद्ध केली आहेत.

'येक नंबर' या सिनेमासाठी कुणालनं संगीत दिग्दर्शक म्हणून जबाबदारी सांभाळली होती. तसेच, 'झी मराठी'च्या लोकप्रिय मालिकांना देखील त्यानं संगीत दिलं आहे.