Jai Jai Swami Samarth: गोमतीच्या आयुष्यात पुनर्विवाहाचा योग, स्वामींच्या कृपेने मोठा बदल घडणार; शिवसोबत नातं जुळणार?
Jai Jai Swami Samarth Gomati remarriage story: गोमतीच्या आयुष्यात स्वामी समर्थांच्या संकेतामुळे नवी सुरुवात होण्याचे संकेत दिले आहेत.

Jai Jai Swami Samarth Gomati remarriage story
1/8
कलर्स मराठीवरील 'जय जय स्वामी समर्थ' (Jai Jai Swami Samarth) या मालिकेला प्रेक्षकांकडून उत्स्फूर्त प्रतिसाद मिळतो आहे. स्वामींच्या कृपेने (Marathi Serial) आणि सूचक लीलांमधून गोमतीच्या आयु्ष्यात एक नवा अध्याय सुरु होण्याची चाहूल लागते.
2/8
विधवा म्हणून आयुष्य संपल्याची भावना मनात बाळगणाऱ्या गोमतीला स्वामी विविध संकेतांमधून नव्याने जगण्याची प्रेरणा देतात. रोपट्याला पाणी घालताना किंवा महादेवाच्या मंदिरात जलाभिषेक करत असताना वेगवेगळ्या कृतींमधून स्वामी आणि तिच्या आयुष्यात प्रेम आणि सौभाग्य येणार असे संकेत देतात.
3/8
यावेळी गोमतीला शिव नाव असलेल्या आप्त मुलाशी नातं जुळणार असं स्पष्ट होत जातं. शिव तिच्या आयुष्याला नवा अर्थ देणार, तिच्या आयुष्याची नवी सुरुवात होणार असे संकेत स्वामी देऊ लागतात.
4/8
दुसरीकडे, शिव ज्याचं गोमतीवर निखळ प्रेम आहे, गावाच्या जुनाट विचारसरणीसमोर स्वामी शिवला उभं करतात आणि 'संघर्षाशिवाय सिद्धी नाही' हा संदेश देतात. हा संघर्ष केवळ शिक्षणापुरता मर्यादित नसून एका स्त्रीच्या नव्या आयुष्याचा अधिकार मिळवण्याचा आहे.
5/8
सुभेदारांच्या म्हणजेच गोमतीच्या सासऱ्यांच्या तीव्र विरोधातही शिव सुमतीसाठी ठामपणे उभा राहतो. शिवपासून सुमतीला दूर करण्यासाठी रचलेले सुभेदारांचे डाव स्वामींच्या हस्तक्षेपामुळे अपयशी ठरतात, आणि गोमतीच्या रक्षणासाठी योग्य वेळी मदत पोहोचते.
6/8
मात्र, शिव आणि गोमतीच्या नात्यावर सुभेदार आणि गावकऱ्यांचा विरोध- असा मोठं संकट उभं राहतं, ज्यातून समाजातील कठोर वास्तव समोर येतं. या सर्व घडामोडींमध्ये स्वामी निर्भीडपणे एक मूलभूत प्रश्न उपस्थित करतात, विधवेला जगण्याचा आणि पुन्हा सुखी होण्याचा अधिकार नाही का? असा प्रश्न उपस्थित करतात.
7/8
अखेर एवढा विरोध असूनही स्वामींच्या कृपेने आणि निसर्गाच्या संकेताने गोमतीच्या आयुष्यात पुनर्विवाहाचा क्षण येणार…स्वामींचा दिव्य चमत्कार ज्यात निसर्ग स्वतः गोमतीला हळद-कुंकवाचं सौभाग्य देतो!
8/8
पण कसं? आणि कोणी थांबवू शकेल का हा घडणारा बदल? आपल्याला याचं उत्तर मालिकेतून मिळेल.
Published at : 01 Apr 2026 02:29 PM (IST)