PHOTO: रणबीर-आलियापासून दीपिका-रणवीरपर्यंत हे स्टार्स चित्रपटात काम करताना प्रेमात पडले आणि केलं लग्न!

wedding

बॉलीवूडमध्ये अशी अनेक जोडपी आहेत ज्यांनी रील लाइफमध्ये एकमेकांसोबत काम करत असताना खऱ्या आयुष्यात कधी एकमेकांवर प्रेम केलं ते कळलंच नाही. यातील अनेक जोडपी लग्नानंतरही खुश आहेत. आज आपण अशाच काही जोडप्यांवर एक नजर टाकणार आहोत...

अभिषेक बच्चन-ऐश्वर्या राय: ऐश्वर्या आणि अभिषेकने अनेक चित्रपटांमध्ये एकत्र काम केले होते, पण गुरू या चित्रपटाने त्यांना खूप जवळ आणले. या चित्रपटात दोघेही पती-पत्नीच्या भूमिकेत होते. चित्रपटाच्या प्रीमियर दरम्यान अभिषेकने ऐश्वर्याला प्रपोज केले आणि दोघांनी लग्न केले.

रणबीर कपूर-आलिया भट्ट: मीडिया रिपोर्ट्सनुसार, रणबीर आणि आलिया 14 ते 17 एप्रिल दरम्यान लग्न करू शकतात. असे म्हटले जात आहे की, ब्रह्मास्त्र चित्रपटाच्या शूटिंगदरम्यान दोघे जवळ आले होते आणि आता त्यांच्या रिलेशनशिपला 4 वर्षे उलटून गेली आहेत.

हेमा मालिनी-धर्मेंद्र: हेमा आणि धर्मेंद्र यांची जोडीही एकेकाळी खूप गाजली होती. दोघांनी अनेक चित्रपटांमध्ये एकत्र काम केले होते आणि त्यानंतर 1980 मध्ये त्यांनी लग्न केले.

रणवीर सिंग-दीपिका पदुकोण: रणवीर आणि दीपिकाने गोलियों की रासलीला: रामलीलामध्ये पहिल्यांदा एकत्र काम केले होते आणि इथूनच त्यांच्यात प्रेमाची ठिणगी पेटली होती असे म्हणतात. जवळपास सात वर्षे एकमेकांना डेट केल्यानंतर दोघांनी 2018 मध्ये इटलीमध्ये धूमधडाक्यात लग्न केले.

ऋषी कपूर-नीतू कपूर: ऋषी आणि नीतू कपूर ही जोडी जुन्या काळातील हिट जोडींपैकी एक होती. दोघांनी अनेक चित्रपटांमध्ये एकत्र काम केले होते आणि एकमेकांना हृदय दिले होते. 1980 मध्ये त्यांचे लग्न झाले.