Fire Breaks Out At Anupama Set In Mumbai Film City: अनुपमा मालिकेच्या सेटवर भीषण आग, जीवितहानी नाही, मात्र संपूर्ण सेट जळून खाक PHOTOs

Fire In Goregaon Film City: मुंबईतील गोरेगाव पूर्वेत फिल्म सिटीमध्ये मोठी आग लागल्याची माहिती मिळतेय. सकाळी साडेसहाच्या सुमारास ही आग लागली. यामध्ये एका मालिकेचा सेट जळून खाक झालाय.

Fire In Goregaon Film City

मुंबई फिल्म सिटीमध्ये लागली मोठी आग लागली असून अनुपमा सिरीयलच्या सेटवर मोठी आग लागली असल्याची माहिती मिळतेय.

आगीची माहिती मिळतच अग्निशमन दलाच्या चार गाड्या घटनास्थळी दाखल झाल्यात, आग विझवण्यासाठी अग्निशमन दलाकडून युद्ध पातळीवर प्रयत्न करण्यात आलेत.

रविवार असल्यामुळे अनुपमा मालिकेच्या सेटवर शूटिंग बदं होतं. त्यामुळे सुदैवानं यामध्ये कोणतीही जीवितहानी झालेली नाही.

अग्निशमन दलाच्या अथक प्रयत्नांनंतर आग आटोक्यात आणण्यात यश आलं आहे. सध्या कुलिंग ऑपरेशन सुरू आहे.

अचानक लागलेल्या आगीत अनुपमा मालिकेचा सेट मात्र जळून खाक झाला आहे.

समोर आलेल्या प्राथमिक माहितीनुसार, शॉर्टसर्किटमुळे आग लागल्याचं समजत आहे, तसेच, अग्निशमन दलाकडून कुलिंग ऑपरेशन सुरू आहे.

आग आटोक्यात आणल्यानंतर या संदर्भात अधिक तपास आरे पोलीस आणि अग्निशमन दलाचे जवान करणार आहेत.

त्यामुळे आगीचं खरं कारणं समोर येऊ शकेल.

दरम्यान, मालिकेतील सर्व कलाकार आणि सेटवरचा संपूर्ण क्रू सुखरुप असल्याची माहिती मिळत आहे.