Suhana Khan Property : बॉलिवूडचा किंग शाहरूख खानची मुलगी शेती करणार, खरेदी केली कोटींची जमीन

सध्या बॉलिवूडचा किंग शाहरूख खानची मुलगी सुहाना खान खूप चर्चेत आहे. सुहाना लवकरच अभिनय क्षेत्रात पाऊल टाकणार आहे. यादरम्यान तिने अलिबागमध्ये काही कोटीं रूपयांची जमीन खरेदी केली आहे. यामुळे सुहाना खूप चर्चेत आली आहे.

इकॉनॉमिक टाईम्सच्या बातमीनुसार, सुहानाने मुंबईपासून जवळच अलिबागजवळ जमीन/प्रॉपर्टी खरेदी केली आहे. याआधीपासूनच अनेक सेलिब्रेटींनी अलीबागमध्ये प्रॉपर्टी खरेदी केली आहे. यामध्ये अनेक सिनेस्टार आणि क्रिकटेपटूंचा समावेश आहे.

मिळालेल्या माहितीनुसार, सुहाना खान हिने जिथं प्रॉपर्टी खरेदी केली आहे तिथं आधीपासूनच घर बनवण्यात आलेलं आहे. ही संपूर्ण जमीन 1.5 एकर इतकी आहे ज्यामध्ये 1,750 स्क्वेयर फुट इतक्या जागेत घराचं बांधकाम करण्यात आलं आहे.

सुहानाने खरेदी केलेली प्रॉपर्टी समुद्रापासून जवळ आहे. या परिसरात क्रिकेटपटू सचिन तेंडुलकर, रोहित शर्मा, रणवीर सिंग, दीपिका पादुकोण सारख्या बड्या सेलिब्रेटींच्या प्रॉपर्टी आहे.

सुहाना खान हिने ही प्रॉपर्टी 12.91 कोटी रूपयांत खरेदी केल्याचं सांगितलं जातं. या प्रॉपर्टीची 1 जून रोजी नोंदणी करण्यात आली आहे. या जमिनीच्या फक्त स्टॅम्प ड्युटीसाठी तब्बल 77.46 लाख रुपये मोजले असल्याचं समजतंय.

गेल्या काही महिन्यांमध्ये मुंबईत अनेक मोठ्या प्रॉपर्टीच्या खरेदी व्रिक्रीची डील करण्यात आल्या आहेत. या साखळीमध्ये सुहाना खानची डील सगळ्यात लेटेस्ट डील आहे. गेल्यावर्षी किंग कोहली आणि अनुष्का शर्मा यांनी अलिबागच्याच परिसरात 8 एकर जमीन खरेदी केली आहे. यासाठी त्यांनी सुमारे 19.24 कोटी रूपये इतकी रक्कम दिली.

हिंदुस्तान टाईम्सच्या एक वृत्तानुसार, सुहाना खान हीने ही प्रॉपर्टी तीन बहिणी अंजली, रेखा आणि प्रिया खोट यांच्यापासून खरेदी केली आहे. या तिन्ही बहिणांना ही प्रॉपर्टी वारसाहक्काने मिळाली होती.

याच परिसरात शाहरूख खानचा एक बंगलाही आहे. याच सुमुद्र किनारी असलेल्या बंगल्यात शाहरूख खाने याने आपला 52 वा वाढदिवस साजरा केला होता.

इकॉनॉमिक टाईम्सच्या बातमीनुसार, संबंधित भूखंड करारपत्रात शेत जमीन असल्याचं दाखविण्यात आलं आहे. या जमिनीची नोंदणी देजा वू फार्म प्रायव्हेट लिमिटेडच्या नावाने करण्यात आली आहे.

या वर्षी एप्रिलमध्ये सुहानाने एका कॉस्मेटिक ब्रँडची ब्रँड अॅम्बेसेडर बनली आहे. सुहाना लवकरचं झोया अख्तर दिग्दर्शित 'द आर्चीज' या चित्रपटात झळकणार आहे. हा सिनेमा ओटीटी प्लॅटफॉर्मवर प्रदर्शित करण्यात येणार आहे.