Cannes 2025: जान्हवी कपूरचा कान्स 2025 मध्ये दणक्यात डेब्यू, आई श्रीदेवींचा लूक रिक्रिएट करत गाजवलं रेड कार्पेट

Cannes 2025: जान्हवी कपूरच्या कान्स फिल्म फेस्टिव्हलमध्ये पदार्पणाची चाहते आतुरतेने वाट पाहत होते. अखेर जान्हवी रेड कार्पेटवर उतरली आणि तिचे फोटो सोशल मीडियावर जोरदार व्हायरल होत आहेत.

Cannes 2025 Janhvi Kapoor Debut

जान्हवी कपूर कान्स फिल्म फेस्टिव्हलमध्ये पोहोचली. तिनं तिच्या डेब्यू लूकनं सर्वांनाच अचंबित केलं. तिचं आऊटफिट्स फारच सुंदर होतं.

जान्हवी कपूरनं कान्समध्ये तिच्या लूकनं सर्वांना प्रभावित केलं. तिनं बेबी पिंक रंगाचा ड्रेस वेअर केलेला, ज्यामध्ये ती खूपच सुंदर दिसत होती.

जान्हवीनं टिश्यू स्कर्टसोबत कॉर्सेट वेअर केलेला. तसेच, तिनं दुपट्टा स्टाईल करून आपलं डोकं झाकलेलं.

जान्हवीनं तिचा लूक मोत्यांच्या दागिन्यांनी कम्प्लिट केलेला. जान्हवीचे फोटो पाहून लोकांना तिची आई आणि दिवंगत अभिनेत्री श्रीदेवींची आठवण आली. जान्हवीचे फोटो पाहून चाहते भलतेच खूश झाले.

जान्हवीनं तरुण तहलानीनं डिझाइन केलेला ड्रेस वेअर केलेला. सोशल मीडियावर तिच्या लूकचं खूप कौतुक होत आहे. ही जान्हवीची तिच्या आईला श्रद्धांजली आहे, असं म्हटलं जात आहे.

जान्हवीसोबत ईशान खट्टर आणि विशाल जेठवा देखील रेड कार्पेटवर दिसून आले. जान्हवीच्या 'होमबाउंड' या चित्रपटाचं कान्स फिल्म फेस्टिव्हलमध्ये प्रीमियर होणार आहे.

रेड कार्पेटवर जान्हवीला तिचा ड्रेस हॅन्डल करण्यासाठी मदत करताना ईशान आणि दिग्दर्शक नीरज दिसले. तिचा हा लूक वेगानं व्हायरल होतोय.

जान्हवीला पाठिंबा देण्यासाठी तिची बहीण खुशी आणि कथित बॉयफ्रेंड शिखर पहारिया देखील पोहोचले. कान्समधील सर्वांचे फोटो व्हायरल झाले आहेत.