विजयने मुख्यमंत्रिपदाची शपथ घेताच त्रिशाचा कंठ दाटला, अश्रूंना रोखलं; कावरी-बावरी झाली अभिनेत्री

अभिनेता थलपती विजय यांनी विधानसभा निवडणुकीत 108 जागा जिंकल्यानंतर आज तामिळनाडूच्या मुख्यमंत्रिपदी शपथ घेतली. या सोहळ्याला राहुल गांधींसह दिग्गजांची उपस्थिती होती.

Vijay Thalpati taking oath Trisha emotional video viral

अभिनेता थलपती विजय यांनी विधानसभा निवडणुकीत 108 जागा जिंकल्यानंतर आज तामिळनाडूच्या मुख्यमंत्रिपदी शपथ घेतली. या सोहळ्याला राहुल गांधींसह दिग्गजांची उपस्थिती होती.

दाक्षिणात्य सुपरस्टार सी. जोसेफ विजय यांनी भव्य सोहळ्यात मुख्यमंत्रीपदाची शपथ घेऊन आपल्या नव्या कारकिर्दीला सुरुवात केली. चेन्नईच्या जवाहरलाल नेहरू इनडोअर स्टेडियम या ऐतिहासिक क्षणाचे साक्षीदार झाले.

विजय यांची खास मैत्रिण असलेल्या अभिनेत्री त्रिशा कृष्णननेही या सोहळ्याला उपस्थिती लावली होती, विशेष म्हणजे ती शपथविधी सोहळ्यात पहिल्याच रांगेत बसली होती.

राज्यपाल राजेंद्र आर्लेकर यांनी विजय यांना पद व गोपनियतेची शपथ दिली. या विशेष प्रसंगी विजयचे चाहते आणि कुटुंबीय भावूक झाले होते, तर दुसरीकडे अभिनेत्री त्रिशा कृष्णनच्या हालचालींनीही सगळ्यांचे लक्ष वेधले.

त्रिशाच्या चेहऱ्यावरही विजय यांच्या शपथविधी सोहळ्याचा अत्यानंद झळकत होता. मात्र, विजय यांनी शपथ घेताच त्रिशाचा कंठ दाटून आला, ती भावूक झाली होती. काही क्षण ती कावरी बावरी झाल्याचं दिसून आलं.

Continues below advertisement

त्रिशाचा एक व्हिडिओ व्हायरल झाला आहे, त्यामध्ये त्रिशाच्या चेहऱ्यावरील हावभाव तिला झालेला अत्यानंद आणि भावूक क्षणाचे चित्रण बनले आहेत.

निळ्या रंगाच्या साडीत अत्यंत सुंदर दिसत असलेल्या त्रिशाने केवळ सोहळ्यात भागच घेतला नाही, तर विजयच्या कुटुंबासोबतच्या तिच्या जवळीकीच्या चर्चांनाही पुन्हा एकदा हवा दिली.

फोटो आता सोशल मीडियावर व्हायरल होत आहेत. जेव्हा त्रिशा, आई उमा कृष्णनसोबत पहिल्या रांगेत बसली, तेव्हा तिने विजय यांच्या आई, शोभा चंद्रशेखर यांचे प्रेमाने स्वागत केले.

त्रिशा आणि विजय हे कॉलीवूडमधील (तमिळ चित्रपटसृष्टीतील) सर्वात आवडत्या जोडींपैकी एक आहे. 'घिल्ली' पासून 'लिओ' पर्यंत, या दोघांनी अनेक अविस्मरणीय चित्रपट दिले आहेत.