तमन्ना-विजय वर्माच्या ब्रेकअपची चर्चा, पण खरं चित्र वेगळंच? होळीमध्ये केली तुफान धम्माल; 'या' एका समान धाग्यामुळे एकत्र!

होळीच्या निमित्ताने रंगांची उधळण करण्यासाठी विजय वर्मा आणि तमन्ना भाटिया एकत्र आले आहेत. त्यांनी एकत्र येत तुफान धमाल केली आहे.

tamanna bhatia and vijay verma

गेल्या अनेक दिवसांपासून दिग्गज अभिनेत्री तमन्ना भाटिया आणि दिग्गज अभिनेता विजय वर्मा रिलेशनशीपमध्ये असल्याचं बोललं जातं.

विशेष म्हणजे गेल्या काही दिवसांपासून त्यांच्या ब्रेकअपच्याही बातम्या येत आहेत. या दोघांनीही आपलं नातं संपवलं आहे, असं म्हटलं जातंय.

त्यांच्या जवळच्या लोकांनीच याबाबत माहिती दिल्याचं सांगितलं जातंय. मात्र तमन्ना आणि विजय वर्मा यांच्यापैकी एकानेही याबाबत कोणतेही भाष्य केलेलं नाही.

या दोघांनीही आपलं नातं संपवलं असून ते मित्र म्हणून सोबत राहणार आहेत. तसेच नाते संपले तरी मैत्री कायम असेल तसेच ते दोघेही आपापल्या करिअरवर आणि कामावर लक्ष केंद्रीत करणार आहेत, असंही सांगितलं जात होतं.

दरम्यान, त्यांच्या ब्रेकअपच्या चर्चेनंतर हे कपल होळीनिमित्त पुन्हा एकदा एकत्र दिसलं आहे. या दोघांनीही एकाच होळी सेलिब्रेशनमध्ये भाग घेत धम्माल मस्ती केली आहे.

त्यांच्या या सेलिब्रेशनचे काही फोटो समोर आले आहेत. या फोटोमध्ये तमन्ना भाटिया, विजय वर्मा, रविना टंडन, राशा थडाणी तसेच इतर काही लोक दिसत आहेत.

हे सर्वजण मित्रमंडळी आहे. विजय वर्मा, तमन्ना भाटिया, राशा थडानी, रविना टंडन याआधीही अनेक कार्यक्रमात एकत्र दिसलेले आहेत. त्यामुळे त्यांच्या मैत्रीच्या धाग्याने तमन्ना आणि विजय वर्माला पुन्हा एकत्र आणलं आहे.

राशा थडाणीचे तमन्ना भाटिया तसेच विजय वर्मासोबत फोटो दिसत आहेत. या सर्वांनी एकत्र येत होळीनिमित्त रंगांची उधळण केलेली आहे.