'धोनीसोबतचं नातं म्हणजे आयुष्यातला डाग', दोन वर्षे रिलेशनशीपमध्ये तरी माही भाई अन् अभिनेत्रीचं नातं का तुटलं?

ही अभिनेत्री आणि महेंद्रसिंह धोनी हे साधारण दोन वर्षे एकमेकांना डेट करत होते, असं म्हटलं जातं. त्यांचं हे नातं मात्र शेवटपर्यंत टिकू शकलं नाही.

mahendra singh dhoni and raai laxmi

क्रिकेट आणि मनोरंजन जगताचं एक आगळंवेगळं नातं आहे. मनोरंजन क्षेत्रातील अनेक नट्यांनी क्रिकेटपटूंशी लग्न केलेलं आहे. यात विराट कोहली-अनुष्का शर्मा यासारख्या प्रसिद्ध कपल्सचाही समावेश आहे.

भारतीय क्रिकेट संघाचा माजी क्रिकेटपटू महेंद्रसिंह धोनी याचेही नाव कधीकाळी सिने क्षेत्रातील प्रसिद्ध नटीशी जोडलं जात होतं. असं म्हणतात की त्या दोघांनीही एकमेकांना साधारण दोन वर्षे डेट केलेलं आहे.

महेंद्रसिंह धोनी आणि अभिनेत्री राय लक्ष्मी हे दोघेही एकमेकांना टेड करायचे, असे म्हटले जात होते. याच कारणामुळे त्यांची सगळीकडे चर्चा असायची.

विशेष म्हणजे क्रिकेटच्या अनेक सामन्यांवेळी ती स्टेडियममध्ये दिसायची. त्यांचे हे नाते मात्र फार काळ टिकू शकले नाही.

बराच काळ एकमेकांना डेट केल्यामुळे ते नंतर एकमेकांपासून दूर झाले. त्यांचे प्रेम शेवटपर्यंत का टिकू शकले नाही, याचे नेमके कारण अद्याप समोर आलेले नाही.

मात्र धोनीसोबतच्या नात्याविषयी राय लक्ष्मीने भाष्य केलेलं आहे. धोनीसोबतचं नातं हे माझ्या आयुष्यातील एखाद्या जखमेसारखं आहे, असं ती म्हणाली होती. 'माझं धोनीसोबतचं नातं हे एखाद्या डागाप्रमाणे किंवा जखमेच्या निशाणाप्रमाणे आहे. ही खून बराच काळ कायम राहणार आहे, असं मी गृहित धरलेलं आहे,' अशी प्रतिक्रिया तिने दिली होती.

लक्ष्मी ही दाक्षिणात्त्य सिनेसृ्ष्टीतील मोठी अभिनेत्री आहे. तिने सिनेक्षेत्रात 2005 साली कारका कसाद्रा या तमिळ चित्रपटाच्या माध्यमातून पदार्पण केले.

महेंद्रसिंह धोनी हा चेन्नई सुपर किंग्ज या आयपीएल संघाचा कर्णधार राहिलेला आहे. याच काळात साधारण 2008 ली धोनी आणि लक्ष्मी यांची भेट झाली होती, असे म्हटले जाते. धोनी या अभिनेत्रीच्या वाढदिवसाच्या पार्टीतही गेला होता. यावेळी त्याच्यासोबत माजी क्रिकेटपटू सुरेश रैना हा होता.