Asha Bhosle Funeral: सचिनच्या डोळ्यातून अश्रुधारा, आशा भोसलेंचं अंतिम दर्शन घेताना तब्बू जनाईला मिठी मारून रडली, Photos

Asha BHosle Funeral: आशा भोसले यांच्या अंत्यदर्शनासाठी कला, क्रीडा, राजकीय तसेच समामाजिक क्षेत्रातील हस्ती हजेरी लावत आहेत.

Asha BHosle Funeral

प्रसिद्ध पार्श्वगायिका आशा भोसले यांचे रविवारी दुपारी सुमारे १२ वाजता निधन झाले. दक्षिण मुंबईतील ब्रीच कँडी रुग्णालयात त्यांनी वयाच्या ९२व्या वर्षी अखेरचा श्वास घेतला.

लोअर परेल येथील त्यांच्या निवासस्थानी पार्थिव अंत्यदर्शनासाठी ठेवण्यात आले असून, त्यांना अखेरचा निरोप देण्यासाठी कला, क्रीडा, राजकारण आणि सामाजिक क्षेत्रातील अनेक मान्यवर उपस्थित राहत आहेत.

दिग्गज क्रिकेटपटू सचिन तेंडुलकर यांनी देखील आशा भोसले यांचे अंत्यदर्शन घेतले. यावेळी तो अत्यंत भावूक झाल्याचे पाहायला मिळाले. त्याच्या डोळ्यातून अश्रू अनावर झाले होते.

शिवसेना उबाठा गटाचे प्रमुख उद्धव ठाकरे आणि त्यांची पत्नी रश्मी ठाकरे यांनी आशा भोसले यांच्या पार्थिवाचे अंतिम दर्शन घेतले त्यावेळी त्यांना भावना अनावर झाल्या होत्या.

आदित्य ठाकरे, उद्धव ठाकरे, रश्मी ठाकरे यांनी आशा भोसले यांच्या कुटुंबियांप्रति आपल्या सहवेदना व्यक्त केल्या.

Continues below advertisement

अभिनेता रितेश देशमुख यानेही आशा भोसलेंचं अंतिम दर्शन घेतलं

अंतिम संस्काराच्या वेळी एक अत्यंत हृदयस्पर्शी क्षण पाहायला मिळाला. आशा भोसले यांना श्रद्धांजली वाहण्यासाठी आलेली अभिनेत्री तब्बूला आशाजींना तिरंग्यात गुंडाळलेले पाहून रडू कोसळले. त्यानंतर तिने आशा भोसले यांची नात जनाईला घट्ट मिठी मारत धीर दिला

आशा भोसले यांच्या अंत्यदर्शनासाठी बॉलिवूडसह विविध क्षेत्रातील अनेक मान्यवरांनी हजेरी लावली. राकेश रोशन, जॅकी श्रॉफ, हेलन, नील नितीन मुकेश आणि त्यांचे वडील नितीन मुकेश, तसेच जावेद अली आणि सुदेश भोसले यांनी उपस्थिती दर्शवली.