Asha Bhosle Funeral: सूरसम्राज्ञीला अखेरची मानवंदना; आशा भोसले अनंतात विलीन; पोलीस दलाकडून अखेरची सलामी

Asha Bhosle Final Salute: देशभरातील चाहते आणि सेलिब्रिटी शोक व्यक्त करत आशाताईंना अश्रूंनी निरोप देत आहेत.

Aasha BHosle

ज्येष्ठ पार्श्वगायिका आशा भोसले यांचं रविवारी निधन झाले. दक्षिण मुंबईतील ब्रिज कँडी रुग्णालयात त्यांनी अखेरचा श्वास घेतला. त्या 92 वर्षांच्या होत्या .

आशा भोसले यांच्या पार्थिवावर आवर शिवाजी पार्क येथील स्मशानभूमीत शासकीय इतमामात अंत्यसंस्कार करण्यात आले.

आशा भोसले यांना निरोप देण्यासाठी अलोट गर्दी शिवाजी पार्क परिसरात पाहायला मिळाली. आशा भोसले यांच्या निधनामुळे संपूर्ण कलाविश्वातून हळहळ व्यक्त केली जात आहे.

दशकानू दशके भारतीयांच्या मनावर अधिराज्य गाजवणारी सुरसम्राज्ञी आशा भोसले यांच्या पार्थिवावर मुख्यमंत्री देवेंद्र फडणवीस यांच्यासह अनेक महत्त्वाच्या नेत्यांनी पुष्पचक्र अर्पण केले.

यानंतर भगवद्गीतेचा नवव्या अध्यायाचे पठण करण्यात आले . अंत्यसंस्काराचे सगळे विधी झाल्यानंतर उपस्थित सर्वांनी 'जय हिंद' म्हणावे अशी आशा ताईंची इच्छा असल्याचं त्यांच्या मुलाने सांगितले.

Continues below advertisement

आशा भोसलेंना पोलीस दलाकडून सलामी देण्यात आली.

त्यानंतर आशा भोसले यांचा मुलगा आनंद भोसले यांनी आशा भोसले यांच्या पार्थिवाला मुखाग्नी दिला.

काळजाला थेट भिडणारा आवाज शांत झालाय. उपस्थित सर्वांच्याच हृदयात पोकळी निर्माण झाली आहे. आशाताईंना अखेरचा निरोप देताना साऱ्यांचीच मनं जड झाली आहेत.