Anupamaa: 'अनुपमा'चा दी एन्ड? प्रेक्षकांची लाडकी अनुपमान करणार आयुष्य संपवण्याचा प्रयत्न, मालिकेत नवा ट्वीस्ट

Anupamaa Twists: टेलिव्हिजन विश्वातली गाजलेली मालिका अनुपमाकडून प्रेक्षक सध्या पाठ फिरवत असल्याचं पाहायला मिळत आहे.

Anupama Serial Upcoming Twist

पण, आता ही बाब मेकर्सनी फारच सीरिअसली घेतली असून याबाबत नवनवे उपाय करायला सुरुवात केली आहे.

'अनुपमा' या टीव्ही मालिकेत दररोज काही ना काही ट्विस्ट येत असतात. शोचा टीआरपी वाढवण्यासाठी निर्माते अनेक युक्त्या वापरत असल्याचं पाहायला मिळतं. अशातच आता निर्माते शोमध्ये एक नवीन ट्विस्ट आणणार आहेत.

स्टार प्लसवरील 'अनुपमा' हा शो सुरुवातीपासूनच प्रेक्षकांची मनं जिंकत आहे. रुपाली गांगुली मुख्य भूमिकेत असलेला हा शो अनेकदा टीआरपीच्या रेसमध्ये यादीत अव्वल स्थानावर असतो.

'अनुपमा'चे निर्माते शोचा टीआरपी वाढवण्यासाठी दररोज नवनवे ट्विस्ट आणि सस्पेन्स निर्माण करतात. अशातच आता शोमध्ये काहीतरी मोठं घडणार असल्याची बाब समोर येत आहे.

बॉलिवूड लाईफच्या वृत्तानुसार, मालिकेचा एक नवा प्रोमो समोर आला आहे. त्यानुसार, शोमध्ये अनुपमासोबत असं काहीतरी घडेल ज्यानंतर ती आत्महत्या करण्याचा प्रयत्न करणार आहे.

या शोमध्ये दाखवण्यात आलंय की, पराग ख्यातीला माफ करेल. त्यानंतर ख्याती घरी परत येईल.

पुढे, राही अनुपमाकडे जाईल आणि म्हणेल की, अनुपमानं तिला मारण्याचा प्रयत्न करणाऱ्या व्यक्तीला वाचवलंय.

यादरम्यान, राही अनुजचं नाव घेऊन अनुपमाला खूप सुनावते. तिला खूप टोमणेही मारते.

अनुपमाची ही महानता राहीच्या नात्यासाठी घातक ठरेल असं राहीचं म्हणणं आहे. अनुपमान राहीला सॉरी म्हणते.

पण, राहीचा राग शांत होत नाही. ती अनुपमावर रागावते आणि तिथून निघून जाते.