'माझ्या लेकीकडे न्यूड फोटोंची मागणी'; अक्षय कुमारनं सांगितलं नेमकं काय घडलं, नितारा आहे तरी कोण?

Akshay Kumar daughter cyber crime: अक्षय कुमारच्या मुलीला अनोळखी व्यक्तीने ऑनलाइन गेमिंगमध्ये अयोग्य मेसेज पाठवला होता.

Akshay Kumar Opens Up About Online Threat Faced by His 13-Year-Old Daughter

Akshay Kumar Daughter Cyber Crime Case: अभिनेता अक्षय कुमार (Akshay Kumar) बऱ्याचदा त्याच्या प्रोफेशनलसह पर्सनल लाईफमुळे चर्चेत असतो. अक्षयला आरव नावाचा मुलगा आणि नितारा (Nitara Kumar) नावाची मुलगी आहे. अक्षयची मुलं लाइमलाइटपासून दूर राहतात.

दरम्यान, मागच्या वर्षी ऑक्टोबर महिन्यात अक्षयने सायबर अवेरनेसच्या कार्यक्रमात एक धक्कादायक खुलासा केला होता. ऑनलाइन गेम खेळत असताना एका व्यक्तीने त्याच्या मुलीला अयोग्य, चुकीचा संदेश पाठवला होता. अक्षयने सांगितले होते की, एका व्यक्तीने त्याच्या मुलीकडे न्यूड फोटो मागितले होते. सायबर पोलिसांनी आता त्या आरोपीला अटक केली आहे.

महाराष्ट्र सायबर विभागाचे प्रमुख यशस्वी यादव यांनी या संदर्भात माहिती दिली. अभिनेत्याची मुलगी ऑनलाइन गेम खेळत होती. एका अनोळखी व्यक्तीने तिला मेसेज केला. नंतर तिच्याकडे न्यूड फोटोची मागणी केली.

बॉलिवूड अॅक्टर अक्षय कुमारने यासंदर्भात पोलिसांशी संपर्क साधून सांगितले होते की, ऑनलाइन गेम खेळत असताना 13 वर्षांच्या मुलीकडे न्यूड फोटो मागण्यात आले होते. महाराष्ट्र सायबर पोलिसांनी हे प्रकरण गांभीर्याने घेतले. तसेच तपास सुरू केला होता.

यशस्वी यादव यांनी या प्रकरणी मोठी अपडेट दिली आहे. 'आम्ही या प्रकरणातील आरोपाली अटक केली आहे', अशी माहिती त्यांनी दिली आहे. दरम्यान, आरोपीला अटक करुन त्यानं इतर मुलींशीही असेच गैरवर्तन केले आहे का? याची चौकशी पोलिसांकडून सुरु आहे.

Continues below advertisement

अक्षय कुमारच्या मुलीचे नाव नितारा कुमार आहे. नितारा कुमारचा जन्म 25 डिसेंबर 2012 रोजी झाला होता. अक्षय आपल्या मुलांप्रति खूप प्रोटेक्टिव्ह आहे. तो आपल्या मुलांसाठी वेळ काढतो. त्यांच्यासोबत वेळही घालवतो. अक्षय कुमारची मुलं लाइमलाइटपासून दूर राहतात.

अक्षय कुमारच्या 'भूत बंगला' चित्रपटाने बॉक्स ऑफिसवर धुमाकूळ घातला आहे. प्रियदर्शन दिग्दर्शित या सिनेमात परेश रावल, राजपाल यादव, तब्बू, वामिका गब्बी आणि मिथिला पालकर यांच्या महत्त्वाच्या भूमिका आहेत.

मिथिसाने या चित्रपटात अक्षय कुमारच्या धाकट्या बहिणीची भूमिका साकारली आहे. अक्षय कुमारच्या चाहत्यांना हा सिनेमा आवडला असून, हा चित्रपट बॉक्स ऑफिसवर उत्तम कामगिरी करत आहे.