Aishwarya Rai Cannes 2026: ‘क्वीन इज बॅक!’ कान्समध्ये ऐश्वर्या रायचा ग्लॅमरस अवतार पाहून साऱ्यांच्याच नजरा खिळल्या; PHOTOs पाहिलेत?

ड्रेसची रचना अशी होती की, ऐश्वर्या रेड कार्पेटवर चालताना प्रकाश आणि हालचालींनुसार त्याचा लूक सतत बदलत होता.

Aishwarya Rai

79 व्या कान्स फिल्म फेस्टिव्हलमध्ये अभिनेत्री ऐश्वर्या राय बच्चनच्या आगमनाने पुन्हा एकदा साऱ्यांच्या नजरा खिळल्या.

दरवर्षीप्रमाणे यंदाही ऐश्वर्याने आपल्या देखण्या आणि हटके अंदाजाने रेड कार्पेट गाजवलं.

यावेळी ऐश्वर्याने प्रसिद्ध डिझायनर अमित अग्रवाल यांनी डिझाइन केलेला खास कुट्युर गाऊन परिधान केला होता.

‘लुमिनारा’ असं नाव असलेल्या या ड्रेसची संकल्पना ‘प्रकाशाची हालचाल’ अशी होती.

ड्रेसमध्ये अमित अग्रवाल यांच्या खास ‘क्रिस्टल व्हेन’ एम्ब्रॉयडरी तंत्राचा वापर करण्यात आला होता. विशेष म्हणजे हा ड्रेस तयार करण्यासाठी तब्बल 1500 तास मेहनत घेण्यात आली.

हजारो क्रिस्टल एम्बेलिशमेंट्सनी सजवलेला हा गाऊन ऐश्वर्या चालताना प्रकाशानुसार वेगवेगळ्या छटा दाखवत होता. त्यामुळे तिचा संपूर्ण लूक अधिकच भव्य आणि आकर्षक दिसत होता.

स्टायलिस्ट मोहित राय यांनी ऐश्वर्याचा हा खास लूक साकारला होता. ड्रेसची रचना अशी करण्यात आली होती की, प्रकाश पडताच त्यातील प्रत्येक भाग वेगळ्या पद्धतीने उजळून निघत होता.

खांद्यांवरील पंखांसारखी डिझाइन आणि स्ट्रक्चर्ड सिल्हुएटमुळे तिचा लूक आणखी उठून दिसत होता.

‘अॅबिस ब्लू’ रंगातील या ड्रेसमधून अवकाशातील अथांगता आणि प्रकाशाचा अनंत प्रवास दाखवण्याचा प्रयत्न करण्यात आला होता. त्यामुळे ऐश्वर्याचा संपूर्ण अवतार एखाद्या रॉयल फॅशन स्टेटमेंटसारखा भासत होता.

या लूकबद्दल बोलताना डिझायनर अमित अग्रवाल म्हणाले, “ऐश्वर्या नेहमीच कान्समध्ये स्वतःची वेगळी छाप सोडते.

‘लुमिनारा’ हा फक्त ड्रेस नाही, तर तिच्या व्यक्तिमत्त्वाभोवती निर्माण होणाऱ्या ऊर्जेचं प्रतीक आहे.”