आयव्हरी हँडलूम बनारसी, मल्टीलेयर पिंक ज्वेलरी अन् भांगात कुंकू; कान्समध्ये ऐश्वर्याचा शाही लूक PHOTO

Aishwarya Rai Cannes 2025 Look: कान्स फिल्म फेस्टिव्हलमध्ये बॉलिवूड स्टार्सची जादू पाहायला मिळतेय. जान्हवी कपूर, अदिती राव हैदरी यांच्यानंतर आता ऐश्वर्या राय देखील रेड कार्पेटवर आली आहे.

Aishwarya Rai bachchan Cannes 2025

कान्स फिल्म फेस्टिव्हलच्या रेड कार्पेटवर ऐश्वर्या राय बच्चनचा लूक पाहण्यासाठी सर्वांनाच उत्सुकता होती. अखेर, प्रतीक्षा संपली आणि रेड कार्पेटवरचा ऐशचा जबरदस्त लूक समोर आला आहे.

ऐश्वर्या रायनं कान्स 2025 साठी रॉयल लूक निवडला. मनीष मल्होत्रानं डिझाइन केलेली व्हाईट बनारसी साडी, ऐश्वर्यानं रेड कार्पेटवर फ्लॉन्ट केली. ऐश्वर्या अत्यंत सुंदर दिसत होती.

हाताने विणलेल्या कदवा आयव्हरी हँडलूम बनारसी साडीत ऐश्वर्या खूप क्लासी दिसत होती. यात आयव्हरी आणि हाताने विणलेल्या ब्रोकेड मोटिफ्स आणि अस्सल चांदीमध्ये हातानं भरतकाम केलेल्या जरीचे तपशील आहेत.

ऐश्वर्यानं ही साडी मॅचिंग फुल स्लीव्हज ब्लाउजसोबत नेसली होती. तिच्या ब्लाऊजच्या बाहीवर सोनेरी भरतकाम होतं.

ऐश्वर्यानं साडीसोबत मॅचिंग टिश्यू दुपट्टा देखील नेसला होता, ज्याच्या बॉर्डरवर खऱ्या सोन्या-चांदीच्या जरदोसीचं भरतकाम केलेलं होतं.

आपला लूक आणखी शाही करण्यासाठी ऐश्वर्यानं मल्टीलेयर पिंक ज्वेलरी पेअर केलेली. तिनं रूबी गोल्ड आणि डायमंडनी बनलेला नेकलेस आणि रिंग्स वेअर केलेल्या.

तिनं माणिक, सोनं आणि हिऱ्यांनी बनवलेले हार आणि अंगठ्या घातल्या होत्या.

ऐश्वर्या रायनं तिच्या मिडल पार्टिशन हेअरस्टाईलसोबतच भांगात अभिषेकच्या नावाचं कुंकू भरलं होतं. ऐश्वर्या पारंपारिक लूकमध्ये खूपच सुंदर दिसत होती. तिनं या लूकनं सर्वांना गोड सरप्राईज दिलं.

2025 च्या कान्स चित्रपट महोत्सवातील ऐश्वर्याचा हा पहिला लूक होता. ती आणि तिची मुलगी आराध्या बुधवारी कान्स फेस्टिवलसाठी पोहोचले.

कान्समध्ये रेड कार्पेटवर उतरण्याची ऐश्वर्याची ही 22वी वेळ आहे. यादरम्यान, कॅमेऱ्यासमोर ऐश्वर्या क्लासी पोझ देताना दिसली. रेड कार्पेटवर उतरलेल्या ऐश्वर्यानं हात जोडून सर्वांना नमस्कार केल्याचंही पाहायला मिळालं.