Aamna Sharif: माझ्या स्कूल यूनिफॉर्मवर...; प्रसिद्ध अभिनेत्रीने सांगितला पहिल्यांदा मासिक पाळी आलेला 'तो' किस्सा

Aamna Sharif Talks About Menstruation: अभिनेत्री आमना शरीफने मासिक पाळीबाबतचा शाळेतील अनुभव शेअर केला.

Aamna Sharif Talks About Menstruation

टीव्ही अॅक्ट्रेस आमना शरीफचा चाहतावर्ग खूप मोठा आहे. तिनं अनेक हिट मालिकांमध्ये महत्त्वाची भूमिका साकारलीये.अभिनेत्रीने आपल्या कारकिर्दीत 'कहीं तो होगा', 'कसौटी जिंदगी की 2' यांसारख्या मालिकांमध्ये काम केलं आहे.

अभिनेत्री आमना शरीफ कायम आपले परखड मत व्यक्त करते. हॉटरफ्लायशी चर्चा करताना आमना शरीफने अनेक किस्से शेअर केलेत. यावेळेस अभिनेत्रीने मानसिक पाळीबाबतही एक किस्सा शेअर केलाय.

अभिनेत्री आपल्या मुलासमोर मासिक पाळीचं दुखण: शेअर करते. ही प्रोसेस किती वेदनादायी असते, याची माहिती ती आपल्या मुलाला देते.

अभिनेत्रीने सांगितले की, जेव्हा तिला मासिक पाळी येते, तेव्हा तिचा मुलगा तिची काळजी घेतो. अभिनेत्रीसाठी हॉट वॉटर बॅग तयार करतो.

मुलाखतीत आमनाने मासिक पाळीबाबत दुख:द कहाणी सांगितली. 'मला शाळेत 8वीत असताना मासिक पाळी आली होती', असं अभिनेत्रीने सांगितलं.

'माझ्या यूनिफॉर्मचा रंग क्रिम होता. माझा गणवेश खराब झाला होता. त्यावर डाग लागले होते. मी जागेवरुन उठले, तेव्हा मला कुणीतरी डाग लागले आहे, असं सांगितले होतं'.

'मला आईने आधीच मासिक पाळीबाबत माहिती दिली होती. मासिक पाळी आल्यानंतर जेव्हा माझे कपडे खराब झाले, तेव्हा मी ब्रेक टाइमपर्यंत सीटवरुन उठले नव्हते'.

'मी तेव्हा 2 मुलींची मदत मागितली. तेव्हा त्यांनी गणवेशावर लागलेल्या डागाला सेफ्टी पिनने झाकलं. पण एका मुलानं ड्रेसवर डाग लागले असल्याची बातमी संपूर्ण वर्गात पसरवली'.

'मी इतके लाजले की, पुढील 3 दिवस मी शाळेत गेले नव्हते. मला वाटलं लोक माझी खिल्ली उडवतील'.

जेव्हा आमना चौथ्या दिवशी तिच्या शाळेत गेली, तेव्हा तिच्या वर्गातील मुलं तिच्याबद्दल बोलत होते. एकमेकांच्या कानात कुजबुजत होते, असं अभिनेत्रीने सांगितलं. 'खरंतर आता परिस्थिती वेगळी आहे. आजच्या जनरेशनमध्ये या गोष्टी नॉर्मल झाल्या आहेत. मासिक पाळीला आता टॅब्यू मानले जात नाही', असंही आमना म्हणाली.