Nashik Municipal Election 2026: नाशिकच्या प्रभाग 8 मध्ये जादूटोणा? हळद, कुंकू, तांदूळ आढळल्याने खळबळ, शिवसेनेच्या विलास शिंदेंचा विरोधकांवर गंभीर आरोप

Nashik Municipal Election 2026: नाशिकच्या प्रभाग क्रमांक 8 मध्ये जादूटोणा केल्याचा संशय शिवसेना उमेदवार विलास शिंदे यांनी व्यक्त केलाय.

Nashik Municipal Election 2026

नाशिकच्या प्रभाग क्रमांक 8 मध्ये जादूटोणा केल्याचा संशय व्यक्त करण्यात आला आहे.

शिवसेना उमेदवार विलास शिंदे यांनी विरोधकांवर गंभीर आरोप केले आहेत.

विरोधकांनी आमच्या कार्यकर्त्यांच्या घरासमोर गुलाल, हळद-कुंकू आणि तांदूळ टाकल्याचा दावा शिंदे यांनी केला आहे.

आनंदवली परिसरात अज्ञात व्यक्तीकडून मंतरलेले तांदूळ टाकण्यात आल्याचा आरोप करण्यात आला आहे.

प्रचारादरम्यान अनेक ठिकाणी कार्यकर्त्यांना हळद-कुंकू लावलेले तांदूळ आढळून आले.

हा प्रकार निवडणुकीत आम्हाला हरवण्यासाठी जाणीवपूर्वक केल्याचा संशय विलास शिंदे यांनी व्यक्त केला आहे.

रविवारचे निमित्त साधून मतदारांच्या भेटीगाठी सुरू असतानाच हा प्रकार उघडकीस आला.

या घटनेमुळे प्रभागात खळबळ उडाली असून चर्चांना उधाण आले आहे.

विलास शिंदे यांनी या प्रकाराची गंभीर दखल घेण्याची मागणी केली आहे.

या संपूर्ण प्रकरणी पोलिसांकडे अधिकृत तक्रार दाखल करणार असल्याचे त्यांनी सांगितले आहे.