Asaduddin Owaisi Akola : अकोल्यातील गोंधळावर असदुद्दीन ओवेसी म्हणतात, हे तर लोकांचं प्रेम; आपल्या बेजबाबदारपणावर मौन, MIMच्या सभेला गर्दी किती?

Asaduddin Owaisi Akola : एमआयएम (MIM) नेते आणि खासदार असदुद्दीन ओवेसी (Assdudin Owaisi) यांच्या अकोल्यातील (Akola) सभेत मोठा गोंधळ उडाल्याचे पाहायला मिळालंय.

Asaduddin Owaisi Akola

Asaduddin Owaisi Akola :: एमआयएमचे प्रमुख खासदार असदुद्दीन ओवेसी यांच्या अकोल्यातील रविवारच्या सभेत मोठा गोंधळ उडाला होता. या गोंधळात चेंगराचेंगरी झाल्यामुळे पोलिसांना लाठीमार करावा लागलाय.

या सर्व घटनेला खासदार असदुद्दीन ओवेसी यांचा एक बेदबाबदारपणा कारणीभूत असल्याचं समोर आलंय.

सभेत बोलताना त्यांनी उपस्थित गर्दीला व्यासपीठाकडे येण्याचं आवाहन केल्यानंतर या सभेत गोंधळ उडाला होता.

दरम्यान, या प्रकरणावर बोलतांना खासदार असदुद्दीन ओवेसी यांनी हे सर्व जनतेचे प्रेम असल्याचं म्हटलंय. मात्र आपल्या बेजबाबदारपणाबद्दल काहीही बोलायचं त्यांनी टाळलंय. ते अकोला येथे बोलत होते.

एमआयएमचे प्रमुख खासदार असदुद्दीन ओवेसी यांच्या अकोल्यातील सभेत मोठा गोंधळ उडाला होता. अकोल्यातील गडंकी भागातील झुल्फिकार अली मैदानावर ही प्रचारसभा झालीय.

तर सभेला आलेले लोक अनियंत्रित झाल्यामुळे आणि सभेच्या नियोजनामुळे सभेत मोठा गोंधळ उडालाय.

तर दुसरीकडे हा गोंधळ लक्षात येताच ओवेसी यांनी सभेतून काढता पाय घेतल्याचेही दिसून आलं. त्यामुळे असदुद्दीन ओवेसी यांचं बेजबाबदार वर्तनाची हि चर्चा आता रंगू लागली आहे.

एकीकडे सभेतील भाषणात बोलताना लोकांना व्यासपीठाकडे येण्याचे आवाहन केलं. पोलिसांना आपल्या काम करताना आडकाठी केली, मात्र गर्दीमुळे नियोजन कोलमडलं आणि परिस्थिती हाताबाहेर गेली. तेव्हा ओवेसी यांनी पोलिसांच्या गराड्यातून कारमध्ये बसून सुरक्षित स्थळी जाणं पसंद केल्याचे दिसून आलं.

दरम्यान, सभा संपत असताना सर्व जमाव ओवेसी यांना भेटण्यासाठी व्यासपीठाकडे येत असल्याने हा गोंधळ उडालाय. परिणामी पोलिसांना सभेत लाठीचार्ज कारवा लागला आणि नंतर चेंगराचेगरी झाली.