Gold: सराफ व्यापाऱ्यास सोनं-चांदीची बनावट नाणी दिली, 30 लाखांना गंडा; आरोपींचा असा झाला उलगडा

वाशिमच्या मालेगाव येथील तिघांनी सातारा जिल्ह्यातील एका सराफा व्यावसायिकाला सोन्याची जुनी नाणी असून, ती स्वस्त दरात विकायची आहेत असं म्हणत फसवणूक केल्याची धक्कादायक घटना समोर आली आहे.

Washim gold cheating case police

वाशिमच्या मालेगाव येथील तिघांनी सातारा जिल्ह्यातील एका सराफा व्यावसायिकाला सोन्याची जुनी नाणी असून, ती स्वस्त दरात विकायची आहेत असं म्हणत फसवणूक केल्याची धक्कादायक घटना समोर आली आहे.

सोन्याची बनावट नाणी देऊन व्यावसायिकाला तब्बल 30 लाख रुपयाचा गंडा घातल्याचा प्रकार समोर आला आहे.

सोनं आणि चांदीची बनावट नाणी देल्याप्रकरणी मालेगाव पोलिसांनी डव्हा येथील पती-पत्नी आणि एका अनोळखी व्यक्तीवर मालेगाव पोलिसात गुन्हा दाखल केला आहे.

आरोपींनी व्यावसायिकाला चार नाणी नमुना म्हणून दिली होती. खांडेकर यांनी मुंबईत या नाण्यांची तपासणी केली असता, ती खरी निघाली. त्यामुळे त्यांचा आरोपींवर पूर्ण विश्वास बसला.

व्यापाऱ्याने नाण्यांची खात्री केल्यानंतर ठरल्याप्रमाणे 3 एप्रिल रोजी सकाळी 7 वाजता अकोला-वाशिम महामार्गावरील एकाब हॉटेलमध्ये व्यवहार निश्चित झाला.

सराफा व्यावसायिकाने 30 लाख रुपये रोख देऊन आरोपींकडून सोन्याच्या नाण्यांची पिशवी स्वीकारली. व्यापाऱ्याने सोन्याची नाणी स्वीकारल्यानंतर दुसऱ्या दिवशी मुंबईत या नाण्यांची पुन्हा तपासणी केली असता, सर्व नाणी बनावट असल्याचे समोर आले.

आपली फसवणूक झाल्याचे लक्षात येताच आरोपींशी संपर्क साधला, पण प्रतिसाद न मिळाल्याने अखेर त्यांनी मालेगाव पोलिस ठाणे गाठले. त्यानंतर, पोलिसांत फिर्याद दिली.