Swargate Bus Depot Marathi News: स्वारगेटप्रकरणातील पीडित तरुणी ते ऐकताच तणावाखाली गेली; दोन जणांची घेतली जातेय मदत

Swargate Bus Depot News: शिवशाही बसमध्ये 26 वर्षीय युवतीवर बलात्कार करणारा नराधम दत्तात्रय गाडे हा पुणे पोलिसांच्या अटकेत आहे.

Swargate Bus Depot Marathi News

Swargate Bus Depot Marathi News: स्वारगेट बसस्थानकात उभ्या असलेल्या शिवशाही बसमध्ये 26 वर्षीय युवतीवर बलात्कार करणारा नराधम दत्तात्रय गाडे हा पुणे पोलिसांच्या अटकेत आहे.

मंगळवारी (25 फेब्रुवारी) घडलेल्या अत्याचारावेळी आरोपीने आपल्याला जिवंत सोडावे, यासाठी पीडितेने त्याला गयावया केल्याची माहिती पोलिसांनी दिली.

सदर प्रकरणी जेव्हा न्यायालयात सुनावणी झाली, त्यावेळी आरोपी दत्ता गाडेच्या वकीलांनी बसमध्ये शारीरिक संबंध दोघांच्या संमतीने झाल्याचा दावा केला.

या घृणास्पद घटनेनंतरही आरोपीला त्याच्या कुटुंबीयांकडून पाठिंबा मिळत आहे.

पीडित तरुणी आणि आरोपी दत्ता गाडे एकमेकांच्या संपर्कात होते, असा दावाही आरोपीच्या वकिलांनी केला.

आरोपी दत्ता गाडेच्या वकिलांनी पीडित तरुणीने संमतीने शरीर संबंध ठेवल्याचा दावा केल्यानं पीडित तरुणी तणावाखाली असून त्यासाठी तिला त्यासाठी दोन समुपदेशकांची मदत देण्यात आलीय.

स्वारगेट बलात्कार प्रकरणातील पीडित मुलगी अजूनही धक्क्यात असल्याने तिच्या समुपदेशनासाठी दोन समुपदेशकांची मदत घेण्यात आली.

पोलिसांनी गाडीतच आरोपी दत्ता गाडेची चौकशी करण्यास सुरुवात केली. यावेळी त्याने अनेक गोष्टींचा खुलासा केला आहे.

स्वारगेट बलात्कार प्रकरणातला आरोपी दत्तात्रय गाडे हा रोज रात्री एसटी स्टॅंडवर जाऊन सावज शोधायचा अशी माहिती समोर आली.

आरोपीने यापूर्वीही एकदा बलात्काराचा प्रयत्न केल्याची घटना घडली होती.

मात्र, या प्रकरणातील पीडितेने घाबरून केवळ चोरीची तक्रार दिली होती, अशी माहितीही समोर आली आहे.