Swargate Bus Depot News: दत्तात्रय गाडेने सीटवर ढकललं, गळा दाबला; पीडित तरुणी म्हणाली, जे करायचंय कर, पण...; बसमध्ये नेमकं काय घडलं?

Swargate Bus Depot Marathi News: स्वारगेट बलात्कार प्रकरणातील पीडित मुलगी अजूनही धक्क्यात असल्याने तिच्या समुपदेशनासाठी दोन समुपदेशकांची मदत घेण्यात आली.

Swargate Bus Depot Marathi News

Swargate Bus Depot Marathi News: पुण्यातील स्वारगेट एसटी स्थानकावर उभ्या असलेल्या शिवशाही बसमध्ये एका 26 वर्षीय तरुणीवर मंगळवारी (25 फेब्रुवारी) पहाटे साडेपाचच्या सुमारास बलात्कार झाला.

पुण्यातील स्वारगेट प्रकरणी अनेक धक्कादायक माहिती समोर येत आहे.

जीव वाचवण्यासाठी पीडितेकडून प्रतिकार करण्यात आला नाही, अशी माहिती पोलिसांनी दिली.

अत्याचारावेळी गळा आवळत आरोपी दत्ता गाडेने पीडितेला जीवे मारण्याची धमकी दिली.

दत्तात्रय गाडे हा आपण कंडक्टर असल्याचे सांगत शिवशाही बसमध्ये घेऊन गेला. त्यानंतर दत्तात्रय गाडे याने बसचा मुख्य दरवाजा आणि चालक व प्रवाशांमध्ये असलेला दुसरा दरवाजाही बंद केला.

पीडितेने बसमध्ये कोणीच नसल्याचे पाहून खाली उतरण्याचा प्रयत्न केला. मात्र, दत्तात्रय गाडे याने तिला सीटवर ढकलून दिले.

पीडित तरुणीने मदतीसाठी आरडाओरडा केला. मात्र, बसच्या काचा बंद असल्याने आवाज बाहेर आला नाही. त्यानंतर दत्तात्रय गाडे याने पीडितेचा गळा दाबला. त्यामुळे ही तरुणी प्रचंड घाबरली.

आपल्याला जिवंत सोडावे, यासाठी ही तरुणी दत्तात्रय गाडे याच्याकडे याचना करु लागली. याचाच फायदा घेऊन दत्तात्रय गाडे याने तरुणीवर अत्याचार केले.

पीडित तरुणीला कोणत्याही परिस्थितीत आपला जीव वाचवायचा होता. पहिल्यांदा बलात्कार केल्यानंतर पीडिता घाबरली आहे, ती फार प्रतिकार करत नाही, ही गोष्ट दत्तात्रय गाडे याच्या लक्षात आली. तेव्हा नराधमाने दुसऱ्यांदा तिच्यावर अत्याचार केले. यावेळी तरुणी प्रचंड घाबरली होती. तिने काय करायचे ते कर पण मला जिवंत ठेव, अशी याचना दत्तात्रय गाडे याच्याकडे केली.

स्वारगेट बलात्कार प्रकरणातील पीडित मुलगी अजूनही धक्क्यात असल्याने तिच्या समुपदेशनासाठी दोन समुपदेशकांची मदत घेण्यात आली.

आरोपी दत्ता गाडेच्या वकिलांनी पीडित तरुणीने संमतीने शरीर संबंध ठेवल्याचा दावा केल्यानं पीडित तरुणी तणावाखाली असून त्यासाठी तिला त्यासाठी दोन समुपदेशकांची मदत देण्यात आलीय.