Sushma Andhare On Ashok Kharat: सुषमा अंधारेंनी अशोक खरातचे हादरवणारे 10 फोटो दाखवले; मुख्यमंत्र्यांचीही घेणार भेट

Sushma Andhare On Ashok Kharat: सुषमा अंधारे यांनी अशोक खरात प्रकरणात एसआयटी प्रमुख म्हणून नियुक्ती केलेल्या तेजस्वी सातपुते यांची भेट घेतली.

Sushma Andhare On Ashok Kharat

Sushma Andhare On Ashok Kharat: नाशिकमधील भोंदूबाबा अशोक खरात (Ashok Kharat) याची एसआयटीकडून चौकशी सुरु आहे. या एसआयटीसाठी तेजस्वी सातपुते यांची निवड करण्यात आली आहे.

आज ठाकरे गटाच्या नेत्या सुषमा अंधारे यांनी एसआयटी प्रमुख तेजस्वी सातपुते यांची भेट घेतली. या भेटीनंतर सुषमा अंधारे यांनी माध्यमांशी संवाद साधत विविध मुद्द्यांवर भाष्य केले. यावेळी सुषमा अंधारे यांनी विविध राजकीय नेत्यांसोबतचे फोटो दाखवले.

सुषमा अंधारेंनी पत्रकार परिषदेत अशोक खरातचे 10 फोटो दाखवले.

सुषमा अंधारे यांनी केंद्रीय गृहमंत्री अमित शाह भाजप नेते अतुल सावे आणि शिंदे गटाचे माजी खासदार हेमंत गोडसे यांचे अशोक खरातसोबतचे फोटो पत्रकार परिषदेत दाखवले.

सुषमा अंधारे यांनी शालेय शिक्षण मंत्री दीपक केसरकर आणि रुपाली चाकणकर यांचे सिन्नर एमआयडीसीशी संबंधित एका कार्यक्रमातील फोटो दाखवले.

शालेय शिक्षण मंत्र्यांचा एमआयडीसीच्या स्टाफशी काय संबंध? आणि तिथे रुपाली चाकणकर काय करत होत्या? असा सवाल त्यांनी उपस्थित केला. त्या बॅनरवर 'सिन्नर तालुका औद्योगिक सहकारी वसाहत मर्यादित' असे लिहिले असून, तिथे कॅबिनेट मंत्री शांत उभे आहेत आणि रुपाली चाकणकर यांचा सत्कार खरातच्या उपस्थितीत होत आहे, यावर त्यांनी आक्षेप घेतला.

रुपाली चाकणकर यांनी "मी खरातला केवळ सामाजिक उपक्रमांसाठी भेटत होते" असे स्पष्टीकरण दिले होते. यावर अंधारे यांनी प्रश्न विचारला की, जर सामाजिक उपक्रम होते तर तिथे एमआयडीसीचा पूर्ण स्टाफ का होता? अशा सवाल देखील अंधारेंनी उपस्थित केला आहे. खरात आणि चाकणकर यांच्यातील संबंधांची चौकशी व्हावी, अशी मागणी त्यांनी केली आहे.

मी मुख्यमंत्री देवेंद्र फडणवीस भेटणार आहे. दीपक केसरकर आणि चाकणकर यांचे फोन रेकॉर्ड अर्थिक खाते चेक करा. आर्थिक गुन्हे शाखेला भेटणार आहे.

चौधरी जे तटकरेसोबत अनेक व्यवहारत ते कोकणात चाकणकर यांच्यांसोबत आहेत. साडेचारशे पाचशे कोटीचा प्रोजेक्ट आहे, येवढी ताकद कुठून येते, असा सवालही अंधारेंनी केला आहे.

अशोक खरातला २०१२ मध्ये बंदुकीचा परवाना मिळाला होता. सर्वात महत्त्वाचे म्हणजे, २०२४ मध्ये या बंदुकीच्या परवान्याचे नूतनीकरण (Renewal) करण्यात आले. यावेळी राज्याचे गृहमंत्री देवेंद्र फडणवीस होते. जर दीड वर्षांपासून खरातची कृत्ये माहिती होती, तर फडणवीस सरकारने २०२४ मध्ये त्याच्या बंदुकीच्या परवान्याचे नूतनीकरण का केले? असा सवालही सुषमा अंधारेंनी उपस्थित केला आहे.