Nandurbar Crime News: भाजीच्या कॅरेटमधून सुरु होती वन्य प्राण्यांची तस्करी, नंदुरबारमध्ये मोठा डाव उधळला; खवले मांजर अन् जंगली पोपटांची सुटका, PHOTO

Nandurbar Crime News: मालेगावहून गुजरात राज्याकडे होणारी जंगली प्राण्यांची आणि पक्षांची तस्करी स्थानिक गुन्हे अन्वेषण शाखा आणि वनविभागाने रोखली आहे.

Nandurbar Crime News

नंदुरबार स्थानिक गुन्हे अन्वेषण शाखा (LCB) आणि वन विभागाने अत्यंत गुप्त माहितीच्या आधारे संयुक्त मोहीम राबवून वन्यजीवांची मोठी तस्करी रोखली.

हे वन्य प्राणी आणि पक्षी नाशिक जिल्ह्यातील मालेगावहून गुजरात राज्याकडे चोरट्या मार्गाने नेले जात होते.

तस्करांनी वन्यजीवांना लपवण्यासाठी एका 'आयशर' (Eicher) ट्रकचा वापर केला होता. आयशर ट्रकमध्ये भाजीच्या कॅरेटमधून तस्करी सुरु होती.

या कारवाईत आंतरराष्ट्रीय स्तरावर प्रतिबंधित आणि दुर्मिळ मानले जाणारे खवले मांजर जप्त करण्यात आले आहे.

खवले मांजरासह मोठ्या संख्येने जंगली पोपट आणि इतर विविध प्रजातींच्या पक्ष्यांची या वाहनातून सुटका करण्यात आली.

या तस्करी प्रकरणात सहभागी असलेल्या तीन संशयितांना पोलिसांनी घटनास्थळावरून ताब्यात घेतले असून त्यांची कसून चौकशी सुरू आहे.

जप्त केलेले सर्व प्राणी आणि पक्षी वनविभागाच्या ताब्यात देण्यात आले असून, त्यांच्यावर वैद्यकीय उपचार करून त्यांना पुन्हा नैसर्गिक अधिवासात सोडले जाणार आहे.

हे प्राणी नेमके कोठून आणले गेले होते आणि गुजरातमध्ये ते कोणाला विकले जाणार होते, याचा शोध पोलीस घेत आहेत.

या तस्करीमागे एखादे मोठे आंतरराष्ट्रीय रॅकेट असण्याची शक्यता वर्तवण्यात येत असून, त्या दिशेने तपास सुरू करण्यात आला आहे.

ताब्यात घेतलेल्या आरोपींवर गुन्हा दाखल करण्यात आलाय.