Mumbai Crime Malad Railway station: धक्का लागल्याचा राग आला, कॉलेज प्रोफेसरला पोटात चाकू खुपसून संपवलं, मालाड रेल्वे स्टेशनवरची धक्कादायक घटना

Mumbai Crime Malad Railway station: मुंबईच्या पश्चिम रेल्वेमार्गावरील मालाड स्थानकात शनिवारी रात्री एक धक्कादायक घटना घडली. एका महाविद्यालयीन प्राध्यापकाची पोटात चाकू खुपसून हत्या करण्यात आली.

Mumbai Crime Malad Railway station

मुंबईतील पश्चिम रेल्वेमार्गावरील मालाड रेल्वे स्थानकात शनिवारी रात्री एका व्यक्तीची पोटात चाकू खुपसून हत्या करण्यात आली.

आलोक सिंह असे मृत व्यक्तीचे नाव असून तो विलेपार्ले येथील एन.एम(NM) महाविद्यालयात प्राध्यापक होता.

ट्रेनमधून धक्का लागल्यामुळे आलोक सिंह आणि मारेकऱ्यामध्ये भांडण झाले. याच रागातून समोरच्या व्यक्तीने आलोक सिंह यांच्या पोटात चाकू खुपसला.

प्रोफेसर आलोक सिंग विलेपार्लेमधून ट्रेन पकडून मालाड रेल्वे स्टेशनवर उतरले.

मालाड रेल्वे स्थानकात उतरताना शेजारच्या व्यक्तीला धक्का लागला याच रागाचा भरामध्ये त्या व्यक्तीने आलोक सिंह यांच्यावर चाकूने हल्ला केला.

घटनेनंतर आरोपी फरार झाला असून रेल्वे पोलिसांकडून सीसीटीव्हीच्या आणि तांत्रिक तपासाचे आधारे आरोपीचा शोध घेतला जात आहे.

मालाड रेल्वे स्थानकातील या घटनेमुळे खळबळ उडाली आहे.

या घटनेमुळे रेल्वे पोलिसांच्या सुरक्षेबाबत प्रश्नचिन्ह उपस्थित झाले आहे.