मुंबईत चोरलेले सोने काश्मिरच्या डोंगरात लपवलं; कांदिवली पोलिसांनी चोरट्यांना पाक सीमेवरून उचललं

मुंबईतील चारकोप पोलिसांनी सोन्याचे दागिने चोरीप्रकरणात मोठी कामगिरी केली असून जम्मू-काश्मीरमधून 2 आरोपी अटक केली आहे.

Kandivali gold stolen sezied kashmir arrest two

मुंबईतील चारकोप पोलिसांनी सोन्याचे दागिने चोरीप्रकरणात मोठी कामगिरी केली असून जम्मू-काश्मीरमधून 2 आरोपी अटक केली आहे.

कांदिवलीतील सोन्याच्या दागिन्यांच्या चोरीप्रकरणी ही कारवाई करण्यात आली आहे. त्यामध्ये, भारत-पाक सीमा लगतच्या पुंछ जिल्ह्यातून आरोपींना बेड्या ठोकण्यात आल्या

कांदिवलीतील एका ज्वेलर्संच्या दुकानातून सोन्याच्या दागिन्यांची मोठी चोरी करण्यात आली होती, मात्र पोलिसांनी आरोपींचा छडा लावत तब्बल 64 लाख 95 हजार रुपयांच्या 433 ग्रॅम सोन्याच्या बांगड्या जप्त केल्या आहेत.

येथील एका उंच डोंगरावर पुरुन ठेवलेला मुद्देमाल पोलिसांनी हस्तगत केला, आरोपींनी मोबाईल बंद करून जम्मू-काश्मीरमध्ये धाव घेतली होती, त्यानंतर येथेच त्यांनी आश्रय घेतला होता.

चारकोप पोलिसांनी स्थानिक हत्यारबंद पोलिसांच्या मदतीने आरोपींचा शोध घेत ही कारवाई केली, या चोरीप्रकरणी आणखी एका आरोपीचा शोध सुरू आहे.

चारकोप पोलिसांच्या गुन्हे प्रकटीकरण पथकाच्या उल्लेखनीय कामगिरीबद्दल पोलिसांचं कौतूक होतंय.

दरम्यान, गुरुवारी रात्री कांदिवलीतील एका दागिन्यांच्या निर्मिती युनिटमधून तीन चौकीदार 5.28 कोटी रुपयांच्या सोन्याच्या दागिन्यांसह कथितरित्या पळून गेले होते. त्यांपैकी पगार थकल्यामुळे नोकरी सोडत असल्याचं व्हॉट्सॲपवरुन मालकाला सांगितलं होतं.

आरोपींची ओळख मोहम्मद सफिर उर्फ ​​मोहम्मद अहमद, विकास आणि शहबाज गुर्जर अशी पटली आहे, हे येथील युनिटमध्येच कामाला होते