Dhule Crime : धुळे हादरलं, दुचाकीवरुन येत तरुणांचा हवेत गोळीबार, सोने घेऊन आलेल्या व्यापाऱ्याची बॅग पळवली, पोलीस तपास सुरु

Dhule Crime News :धुळे शहरातील सावरकर पुतळ्याजवळ हवेत गोळीबार करत व्यापाऱ्याची बॅग हिसकावली आहे. तीन तरुणांनी दुचाकी वर येत हवेत गोळीबार केल्याची माहिती आहे.

धुळे क्राईम न्यूज

धुळे शहरात एक धक्कादायक घटना घडली आहे. शहरातील सावरकर पुतळ्याजवळ हवेत गोळीबार करत व्यापाऱ्याची बॅग हिसकावल्याची घटना घडली आहे.

मिळालेल्या माहितीनुसार धुळ्यतील सावरकर पुतळ्याजवळ तीन तरुणांनी दुचाकीवरुन येत हवेत गोळीबार केला.

नंदूरबार जिल्ह्यतील शहाद्यातून सोनं घेऊन धुळ्यात व्यापारी आले होते. धुळे शहरात व्यापारी येताच शहरातील देवपूर परिसरात असलेल्या सावरकरांच्या पुतळ्याजवळील चौकात बसमधून आलेल्या व्यापाऱ्यांकडून बॅग लांबवली.

धुळे शहरात गोळीबार झाल्याने शहरात एकच खळबळ उडाली आहे. देवपूर पोलीस ठाण्यात गुन्हा दाखल करण्याची प्रक्रिया सुरू आहे.

धुळे शहरातील सावरकर पुतळ्याजवळ सोने घेऊन आलेल्या व्यापाऱ्यासोबत काय घडलं याची माहिती जाणून घेण्यासाठी वरिष्ठ पोलीस अधिकारी देवपूर पोलीस ठाण्यात दाखल झाले असल्याची माहिती आहे.