Crime News: बॉयफ्रेंडसाठी पतीला पुरलं, दृश्यम स्टाईल संपवलं; नालासोपाऱ्यात बायकोचा खतरनाक कांड, नेमकं काय घडलं?

Crime News: नालासोपाऱ्यात पत्नीने बॉयफ्रेंडच्या मदतीने पतीची हत्या करून दृश्यम स्टाईलने मृतदेह घरातच पुरल्याची धक्कादायक माहिती समोर आली आहे.

Crime News

मुंबईनजीकच्या नालासोपाऱ्यात पत्नीने बॉयफ्रेंडच्या मदतीने पतीची हत्या करून दृश्यम स्टाईलने मृतदेह घरातच पुरल्याची धक्कादायक माहिती समोर आली आहे.

पेल्हार पोलिसांनी पत्नी आणि प्रियकराला पुणे येथून अटक केली आहे.

हत्या झालेल्या पतीचे नाव विजय चौहान असून, आरोपी पत्नीचे नाव गुडिया चमन चौहान आणि तिच्या प्रियकराचे नाव मोनू विश्वकर्मा आहे. या दाम्पत्याला चेतन चौहान नावाचा आठ वर्षांचा मुलगा देखील आहे.

पोलिसांनी दिलेल्या माहितीनुसार, पती हा गुडिया आणि मोनू यांच्या प्रेमसंबंधात अडथळा ठरत असल्यामुळे दोघांनी मिळून विजयची निर्घृण हत्या केली.

ही घटना अंदाजे पंधरा दिवसांपूर्वी घडली असून, मृतदेह घरातच गुपचूप पुरून त्यावर टाईल्स बसवण्यात आल्या.

विशेष म्हणजे मृताच्या भावाकडूनच टाईल्स लावून घेतल्या गेल्याचे समोर आले आहे. मात्र, दोन दिवसांपूर्वी गुडियाच्या मोबाईलमध्ये संशयास्पद मेसेज आढळल्याने पोलिसांनी तपास सुरू केला आणि त्यातून या खुनाचा भयंकर उलगडा झाला.

सध्या आरोपी महिला पोलिसांच्या ताब्यात असून, तिचा प्रियकर मोनू विश्वकर्मा फरार आहे.

पोलिसांनी मृतदेह घरातून बाहेर काढण्याची प्रक्रिया सुरू केली आहे आणि पुढील तपास सुरू आहे. या प्रकरणामुळे नालासोपाऱ्यात मोठी खळबळ उडाली आहे.