Tata : टाटा ग्रुपच्या कंपनीचा नफा 147 टक्क्यांनी वाढला, शेअरधारकांसाठी गुड न्यूज, कंपनीकडून लाभांश जाहीर

Tata Steel: टाटा ग्रुपच्या टाटा स्टील या कंपनीनं आर्थिक वर्ष 2025-26 च्या चौथ्या तिमाहीचे निकाल जाहीर केले आहेत. यामध्ये कंपनीचा नफा वाढल्याचं पाहायला मिळतं.

टाटा स्टीलकडून लाभांश जाहीर

Tata Steel : टाटा ग्रुपच्या टाटा स्टील या कंपनीनं आर्थिक वर्ष 2025-26 मधील चौथ्या तिमाहीचे निकाल जाहीर केले आहेत. यामध्ये कंपनीला निव्वळ नफा 2965 कोटी रुपये झाला आहे. गेल्या वर्षी याच तिमाहीत कंपनीचा नफा 1201 कोटी रुपये होता. त्या तुलनेत नफा 147 टक्क्यांनी वाढला आहे.

आर्थिक वर्ष 2025-26 च्या चौथ्या तिमाहीत कंपनीचा महसूल 12.5 टक्क्यांनी वाढून 63270 कोटी रुपये झाला आहे. भारतीय व्यवसायातून कंपनीला निव्वळ नफा 4660 कोटी रुपये आणि महसूल 38448 कोटी रुपये मिळाला.