Stock Market : टाटांच्या एका कंपनीचा स्टॉक 18 महिन्यांच्या निचांकी पातळीवर, झुनझुनवाला कुटुंबाला 2500 कोटींचा फटका

Titan Share : टायटनचे शेअर ऑगस्ट 2023 नंतरच्या निचांकी पातळीवर पोहोचले आहेत. या कंपनीत झुनझुनवाला कुटुंबाचे मोठ्या प्रमाणावर शेअर आहेत.

टायटनचा शेअर घसरला, झुनझुनवालांना फटका

टाटा ग्रुपची कंपनी टायटनचा शेअर 18 महिन्यांच्या निचांकी पातळीवर पोहोचला आहे. बीएसईवर आज शेअर दोन ट्क्यांनी घसरुन 3018 रुपयांवर आला आहे. 52 आठवड्यांच्या निचांकी पातळीवर शेअर पोहोचला आहे.

ऑगस्ट 2023 नंतर टायटनच्या शेअरमधील ही मोठी घसरण आहे. टायटन कंपनीतील घसरणीचा फटका झुनझुनवाला कुटुंबाला देखील बसला आहे. गेल्या महिनाभरात टायटनच्या शेअरमधील घसरणीमुळं झुनझुनवाला यांची नेटवर्थ 2500 कोटींनी घटली आहे.

टायटनचा शेअर गेल्या महिन्यात 17 टक्क्यांनी घटला आहे. 4 फेब्रुवारीला कंपनीचा शेअर 3599.15 रुपयांवर होता. टायटनचा शेअर 4 मार्चला 3018 रुपयांवर आहे. म्हणजेच एका महिन्यात सेअर 581.15 रुपयांनी घटला आहे.

गेल्या सहा महिन्यात कंपनीचा शेअर 18 टक्क्यांनी घटला आहे. टायटन कंपनीचा 52 आठवड्यांचा उच्चांक 3866.15 रुपये आहे.

झुनझुनवाला कुंटुंबाची मोठी गुंतवणूक टायटनमध्ये आहे. राकेश झुनझुनवाला यांचा पसंतीचा स्टॉक होता. रेखा झुनझुनवाला यांच्याकडे 95,40,575 शेअर आहेत. तर, राकेश झुनझुनवाला यांच्या नावावर 3,61,72,895 शेअर होते.

झुनझुनवाला कुटुंबाकडे टायटनचे एकूण 45,713,470 शेअर आहेत. टायटनचे शेअर 581 रुपयांनी घटले आहेत. यानुसार एक महिन्यात झुनझुनवाला फॅमिलीची नेटवर्थ 2600 कोटी रुपयांनी घसरली आहे.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)