SBI : स्टेट बँकेचा देशातील सर्वात मोठा QIP यशस्वी, 25 हजार कोटींची उभारणी, एलआयसीनं बाजी मारली, सर्वाधिक शेअर खरेदी

SBI QIP Plan : भारतातील सार्वजनिक क्षेत्रातील सर्वात मोठी बँक स्टेट बँक ऑफ इंडियाचा QIP द्वारे पैसे उभारणीचा प्लॅन यशस्वी झाला आहे.

एसबीआयचा क्यूआयपी यशस्वी

स्टेट बँक ऑफ इंडियानं QIP द्वारे यशस्वीपणे 25 हजार कोटी रुपयांची उभारणी केली आहे. QIP द्वारे पैसे उभारणीचा स्टेट बँकेचा प्रयत्न यशस्वी झाला आहे. क्वालिफाईड इन्स्टिट्यूशनल प्लेसमेंटद्वारे स्टेट बँकेनं 25 हजार कोटी रुपयांची उभारणी केलीय.

स्टेट बँक ऑफ इंडियानं 305.0 दशलक्ष शेअरची विक्री क्यूआयपीद्वारे केली. QIP द्वारे गुंतवणूक करणाऱ्या गुंतवणूकदारांना स्टेट बँक ऑफ इंडियाचा स्टॉक 0.9 टक्के सवलतीसह 817 रुपये प्रतिशेअर नुसार देण्यात आले.

कोल इंडियानं 2015 मध्ये 22560 कोटी रुपयांचा क्यूआयपी आणला होता. त्याला स्टेट बँकेच्या क्यूआयपीनं मागं टाकलं आहे. सोमवारी स्टेट बँक ऑफ इंडियाचा स्टॉक 824.20 रुपयांवर होता.मात्र क्यूआयपीद्वारे 817 रुपयांना शेअर देण्यात आले. एसबीआयनं क्यूआयपीद्वारे एका शेअरची किंमत 811.05 रुपये ठेवली होती.

एलआयसीनं सर्वाधिक शेअर क्यूआयमधून मिळवले. एसबीआयनं 5000 कोटी रुपयांची गुंतवणूक करुन 61.2 दशलक्ष शेअर मिळवले. यामुळं एलआयसीची एसबीआयमधील भागीदारी 9.21 टक्क्यांवरुन 9.49 टक्क्यांवर पोहोचला आहे. एसबीआयच्या क्यूआयपीतून 20 टक्के म्हणजे 5000 कोटींचे शेअर एलआयसीनं खरेदी केले. त्यानंतर सोशिएच जनरेल 2592, एचडीएफसी जनरल 1500, एचडीएफसी म्युच्युअल फंड 1300 कोटी आणि क्वांट म्युच्युअल फंडनं 1270 कोटी रुपयांच्या शेअरची खरेदी केली.

एसबीआयच्या 25 हजार कोटी रुपयांच्या क्यूआयपी साठी 1 लाख 10 हजार कोटी रुपयांची बोली लागली होती. क्यूआयपीनंतर एसबीआयची बँकेतील भागीदारी 56.92 वरुन 55.03 टक्क्यांवर आली आहे. स्टेट बँकेचा स्टॉक आज 815 रुपयांवर पोहोतला आहे. (टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)