SIP Investment: एसआयपीतून जास्तीत जास्त रिटर्न्स कसे मिळवाल, एकावेळी किती SIP मध्ये गुंतवणूक करावी?

SIP : भारतीय शेअर बाजारातून विदेशी गुंतवणूकदार मोठ्या प्रमाणावर पैसे काढून घेत आहेत. संकटकाळात भारतीय बाजार सावण्याचं काम एसआयपीच्या माध्यमातून बाजारात झालेल्या गुंतवणुकीमुळं झालंय.

एकावेळी किती एसआयपी स्कीममध्ये पैसे गुंतवायचे?

भारतात गेल्या काही वर्षांपासून नोकरदार वर्गाचा गुंतवणुकीचा आवडता आणि लोकप्रिय पर्याय म्हणून म्युच्युअल फंडमधील एसआयपीकडं पाहिलं जात. एसआयपी हा शिस्तबद्ध गुंतवणुकीचा पर्याय आहे. आर्थिक ध्येय निश्चित करुन ध्येय करुन दीर्घकाळ गुंतवणूक सुरु ठेवल्यास एसआयपीतून दीर्घकाळ परतावा मिळू शकतो.

एसआयपी सुरु करत असताना किंवा केल्यानंतर काही गोष्टींची सतर्कता घेणं आवश्यक असतं. बरेच गुंतवणूकदार अधिक नफा मिळवण्याच्या प्रयत्ना अनेक फंडांमध्ये एसआयपी सुरु करतात, अशा प्रकारे सुरु केलेली गुंतवणूक खरेच फायदेशीर ठरते की नाही हे जाणून घेणार आहोत.

आर्थिक क्षेत्रातील जाणकारांच्या मते म्युच्युअल फंडात एसआयपी करायची असेल आणि पोर्टफोलिओ वैविध्यपूर्ण ठेवायचा असल्यास त्याचं वर्गीकरण लार्ज कॅप, मिड कॅप आणि फ्लेक्सी कॅप असं असावं. अनेकदा बहुतांश गुंतवणूकदार पोर्टफोलिओ वैविध्यपूर्ण ठेवायच्या प्रयत्नात 8 ते 10 फंडमध्ये एसआयपी सुरु करतात. मात्र, फंडांच्या योजना सारख्याच असल्यानं अपेक्षित परतावा मिळत नाही.

सर्वसाधारणपणे 20 ते 25 हजार रुपयांची दरमहा गुंतवणूक करणाऱ्या गुंतवणूकदारानं 3 ते 5 फंडांमध्ये एसआयपी सुरु केल्यास त्याचा त्यांना फायदा मिळू शकतो. पोर्टफोलिओ वैविध्यपूर्ण राखण्यात देखील मदत होऊ शकते. मोठी रक्कम कमी फंडमध्ये गुंतवल्यानं कम्पाऊंडिंगचा फायदा देखील गुंतवणूकदारांना मोठ्या प्रमाणात होईल.

दरम्यान, एप्रिल 2026 मध्ये एसआयपीतून शेअर बाजारात होणारा इनफ्लो घटला आहे. एसआयपी गुंतवणूकदारांनी एप्रिल महिन्यात 31115 कोटी रुपयांची गुंतवणूक केली आहे. तर मे महिन्यात असेट अंडर मॅनजमेंटची रक्कम 81-82 लाख कोटींवर पोहोचणे अपेक्षित आहे.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)