Share Market Update : सेन्सेक्स 85 हजारांच्या उंबरठ्यावर, निफ्टी 26 हजारांच्या पार, गुंतवणूकदारांनी एका दिवसात 3 लाख कोटी कमावले

Share Market : भारतीय शेअर बाजारात पुन्हा तेजी सुरु झाली आहे. सेन्सेक्स आणि निफ्टीमध्ये उसळी पाहायला मिळाली. गुंतवणूकदारांनी एका दिवसात 3.18 लाख कोटी रुपयांची कमाई केली.

शेअर बाजारात तेजीचा ट्रेंड सुरु

भारतीय शेअर बाजारात 29 ऑक्टोबरला पुन्हा तेजी पाहायला मिळाली. सेन्सेक्स 368.97 अंकांच्या तेजीसह 84997.13 अंकांवर बंद झाला. तर, निफ्टी 117.70 अंकांच्या तेजीसह 26053.90 अंकांवर बंद झाला.

बॉम्बे स्टॉक एक्सचेंज सेन्सेक्सवर ट्रेडिंग 84663.68 अंकांवर सुरु झालं.आज सेन्सेक्स 373.84 अंकांच्या तेजीसह सेन्सेक्सनं 85002.00 अंकांचा टप्पा ओलांडला होता. बाजार बंद झाला तेव्हा सेन्सेक्स 84997 अंकांवर पोहोचला होता. निफ्टीमध्ये देखील तेजी पाहायला मिळाली आहे.

आज बीएसईवर लिस्ट असलेल्या कंपन्यांचं बाजारमूल्य वाढून 47429084.32 कोटी रुपयांवर पोहोचलं. काल बाजार बंद झाला तेव्हा बीएसईवरील लिस्ट असलेल्या कंपन्यांचं बाजारमूल्य 47111090.52 कोटी रुपये होतं. म्हणजेच एका दिवसात गुंतवणूकदारांच्या संपत्तीत 3.18 लाख कोटी रुपयांची वाढ झाली आहे.

निफ्टीवर ऑटोमोबाईल कंपन्यांच्या शेअरमध्ये घसरण पाहायला मिळाली. इतर सेक्टोरल निर्देशांक तेजीसह बंद झाले. ऑईल अँड गॅसच्या शेअरमध्ये 2 टक्क्यांची तेजी पाहायला मिळाली.

निफ्टीवर मेगास्टार फूडस, पशुपति एक्रिलोन, ब्लू डार्ट एक्स्प्रेस, एचबी स्टॉक होल्डिंग्ज, यूरोटॅक्स इंडस्ट्रीज अँड एक्सपोर्टस हे स्टॉक टॉप गेनर्स राहिले. त्याचवेळी डेल्फी वर्ल्ड मनी आरई 3आय इन्फोटेक, आयआयएफएल कॅपिटल सर्व्हिसेस, खेतान केमिकल्स अँड फर्टिलायझर्स, कोहेंस् लाइफसायन्स टॉप लूजर्स आहेत.

बीएसईवरील 4325 स्टॉक पैकी 2482 शेअरमध्ये तेजी पाहायला मिळाली. तर 1668 स्टॉकमध्ये घसरण झाली. 175 शेअरमध्ये कोणताही बदल झाला नाही. तर, 8 शेअरला अप्पर सर्किट लागलं तर 10 शेअरला लोअर सर्किट लागलं. (टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)