Share Market : मारुती सूझुकी ते अंबर एंटरप्रायझेस,'या' पाच स्टॉकवर लक्ष ठेवा, जोरदार कमाईची संधी, मोठ्या घडामोडींची शक्यता

Share Market : भारतीय शेअर बाजारात जोरदार तेजी पाहायला मिळाली. येत्या आठवड्यात सेन्सेक्स आणि निफ्टीमध्ये तेजी दिसू शकते. काही शेअरमुळं गुंतवणूकदारांना चांगला परतावा मिळू शकतो.

शेअर बाजारात 'या' स्टॉकवर लक्ष ठेवा

भारतीय शेअर बाजारात गेल्या आठवड्यात तेजी पाहायला मिळाली. सेन्सेक्सवरील टॉप 10 पैकी 8 कंपन्यांचं बाजारमूल्य वाढलं. सेन्सेक्स आणि निफ्टी दोन्हींमध्ये 1.6 टक्क्यांची तेजी पाहायला मिळाली होती. आता गुंतवणूकदारांचं लक्ष येत्या आठवड्यात बाजारात काय घडणार याकडे लागलं आहे.

देशातील ऑटो क्षेत्रातील सर्वात मोठी ऑटो कंपनी मारुती सुझुकीनं ग्रँड विटारा एसयूव्हीच्या 39506 यूनिटस परत मागवले आहेत. कंपनीच्या माहितीनुसार 9 डिसेंबर 2024 ते 29 एप्रिल 2025 या कालावधीतील वाहनांमधील संभाव्य तांत्रिक त्रुटींची चौकशी केली जाणार आहे. याचा परिणाम कंपनीच्या पुढील आठवड्यातील शेअरवर दिसू शकतो.

आयआरबी इन्फ्रास्ट्रक्चर डेव्हलपर्स या कंपनीचा शेअर देखील चर्चेत राहू शकतो. कारण यांची सहायक कंपनी आयआरबी इन्फ्रास्टक्चर ट्रस्चला नॅशनल हायवे अथॉरिटी ऑफ इंडियाकडून उत्तर प्रदेशातील एक प्रकल्प मिळाला आहे. हा प्रकल्प टोल-ऑपरेट- ट्रान्सफर तत्वावरील असून तो 9270 कोटी रुपयांचा आहे.

अंबर एंटरप्रायझेसची उपकंनी आएल जेआयएन इलेक्ट्रॉनिक्सनं शोगिनी टेक्नोआर्टस प्रायव्हेट लिमिटेडमधील भागीदारी वाढवण्यासाठी करार केला आहे. या अधिग्रहणामुळं इलेक्ट्रॉनिक्स उत्पादन क्षमता वाढणार आहे.

ग्लेनमार्कनं दुसऱ्या तिमाहीत निव्वळ नफा 72 टक्क्यांनी वाढून 610 कोटी रुपये झाल्याचं जाहीर केलं आहे. गेल्यावर्षी दुसऱ्या तिमाहीत कंपनीचा निव्वळ नफा 354 कोटी रुपये होता. कंपनीनं शुक्रवारी बाजार बंद झाल्यानंतर दुसऱ्या तिमाहीचे निकाल जाहीर केले. त्यामुळं सोमवारी या कंपनीच्या शेअरवर नजर असेल.

अनंत राज या रिअल इस्टेट आणि इन्फ्रास्ट्रक्चर क्षेत्रातील कंपनीनं आंध्र प्रदेशात 4500 कोटी रुपयांची गुंतवणूक करण्याचं नियोजन केलं आहे. कंपनी नवीन डेटा सेंटर आणि आयटी पार्क बनवणार आहे. याबाबतच्या करारांवर स्वाक्षरी करण्यात आली आहे. (टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)