Share Market : सेन्सेक्सवरील टॉप 10 पैकी 7 कंपन्यांचं बाजारमूल्य वाढलं, रिलायन्सला सर्वाधिक फायदा तर TCS ला मोठा फटका

Share Market : भारतीय शेअर बाजारात 29 डिसेंबर ते 2 जानेवारी या कालावधीत सेन्सेक्सवरील टॉप 10 पैकी 7 कंपन्यांचं बाजारमूल्य वाढलं आहे. सर्वाधिक फायदा रिलायन्सला तर फटका टीसीएसला बसला आहे.

शेअर बाजार अपडेट

सेन्सेक्सवरील टॉप 10 कंपन्यांपैकी 7 कंपन्यांचं बाजारमूल्य 29 डिसेंबर 2024 ते 2 जानेवारी 2025 या कालावधीत वाढलं आहे. शेअर बाजारात सेन्सेक्सवरील 7 कंपन्यांचं बाजारमूल्य 1,23,724.19 कोटी रुपयांनी वाढलं आहे. सर्वाधिक बाजारमूल्य रिलायन्स इंडस्ट्रीजचं वाढलं आहे.

गेल्या आठवड्यात सेन्सेक्स 720.56 अंकांची वाढ झाली. टॉप 10 कंपन्यांपैकी रिलायन्स इंडस्ट्रीज, एचडीएफसी बँक, भारती एअरटेल, आयसीआयसीआय बँक, स्टेट बँक ऑफ इंडिया, लार्सन अँड टुब्रो आणि हिंदूस्तान यूनिलीवरचं बाजारमूल्य वाढलं आहे. दुसरीकडे टाटा कन्सलटन्सी सर्व्हिसेस, इन्फोसिस आणि बजाज फायनान्सचं बाजारमूल्य घटलं.

रिलायन्स इंडस्ट्रीजचं बाजारमूल्य 45266.12 कोटी रुपये वाढून 2154978.60 कोटी रुपये झालं. स्टेट बँक ऑफ इंडियाचं बाजारमूल्य 30414.89 कोटी रुपयांन वाढून 922461.77 कोटी रुपयांवर पोहोचलं आहे. एल अँड टीचं बाजारमूल्य 16204.34 कोटींनी वाढून 572640.56 कोटी रुपये झालं.

हिंदुस्तान यूनिलीवरचं बाजारमूल्य 14626.21 कोटी रुपयांनी वाढून 551637.04 कोटी रुपये झाले. एचडीएफसी बँकेचं बाजारमूल्य 13538.43 कोटी रुपयांनी वाढून 1540303.87 कोटी रुपये झालं. आयसीआयसीआय बँकेचं बाजारमूल्य 3103.99 कोटींनी वाढून 968773.14 कोटी रुपये झालं. भारती एअरटेलचं बाजारमूल्य 570.21 कोटी रुपयांनी वाढून 1201262.53 कोटी रुपये झालं.

दुसरीकडे टीसीएसचं बाजारमूल्य 10745.72 कोटी रुपयांनी कमी होऊन 1175914.62 कोटी रुपये झालं. इन्फोसिसचं बाजारमूल्य 6183.25 कोटी रुपयांनी कमी होत 681635.59 कोटी रुपये झालं. बजाज फायनान्सचं बाजारमूल्य 5693.58 कोटी रुपयांनी कमी होऊन 616430.43 कोटी रुपये झालं आहे.

बाजारमूल्याचा विचार केला असता रिलायन्स इंडस्ट्रीज, एचडीएफसी बँक, भारती एअरटेल, टीसीएस, आयसीआयसीआय बँक, स्टेट बँक ऑफ इंडिया, इन्फोसिस, बजाज फायनान्स, एल अँड टी आणि हिंदूस्तान यूनिलीवरचा असा क्रम आहे.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)