Ladki Bahin Yojana : गुड न्यूज, मुख्यमंत्री माझी लाडकी बहीण योजनेचे मार्चचे 1500 रुपये जमा, एप्रिलचे पैसे कधी मिळणार?

Ladki Bahin Yojana : मुख्यमंत्री माझी लाडकी बहीण योजनेच्या लाभार्थी महिलांना मार्च महिन्याचे 1500 रुपये मिळण्यास सुरुवात झाली आहे.

लाडकी बहीण योजना

मुख्यमंत्री माझी लाडकी बहीण योजनेच्या लाभार्थी महिलांच्या खात्यात मार्च महिन्याच्या हप्त्याची रक्कम जमा झाली आहे. मार्च आणि एप्रिल महिन्याच्या हप्त्यांची वाट पाहणाऱ्या महिलांच्या खात्यात मार्च महिन्याचे 1500 रुपये जमा होण्यास सुरुवात झाली आहे.

महाराष्ट्र सरकारच्या महिला व बालविकास विभागाकडून मुख्यमंत्री माझी लाडकी बहीण योजना चालवली जाते. या योजनेतून राज्यातील महिलांना आर्थिकदृष्ट्या सक्षम करण्यासाठी दरमहा 1500 रुपये दिले जातात. फेब्रुवारी महिन्याच्या हप्त्याची रक्कम 24 मार्चला जमा करण्याती आली होती, त्यानंतर महिलांना पैसे मिळाले नव्हते.

मुख्यमंत्री माझी लाडकी बहीण योजनेचा लाभ पात्र लाभार्थ्यांना मिळावा यासाठी सरकारकडून ई केवायसी प्रक्रिया राबवण्यात आलेली. यामध्ये चुकीचे पर्याय निवडणाऱ्या महिलांना दुरुस्तीसाठी 30 एप्रिलपर्यंत मुदतवाढ देण्यात आली होती. अखेर ती प्रक्रिया संपल्यानंतर लाडकी बहीण योजनेच्या मार्च महिन्याची रक्कम महिलांच्या खात्यात जमा करण्यास सुरुवात झाली आहे.

लाडक्या बहिणींना मार्च महिन्याचे पैसे मिळाल्यानंतर आता एप्रिल महिन्याचे 1500 रुपये कधी मिळणार याकडे लाभार्थी महिलांचं लक्ष लागलं आहे. मुख्यमंत्री माझी लाडकी बहीण योजना सुरु झाली होती तेव्हा लाभार्थी महिलांची संख्या 2 कोटी 40 लाखांच्या दरम्यान होती. मात्र, लाखो महिलांनी ई केवायसी प्रक्रिया केलेली नाही त्यामुळं त्यांना या योजनेचा लाभ देण्यात आलेला नाही.

मुख्यमंत्री माझी लाडकी बहीण योजनेच्या लाभार्थी महिलांना 1500 रुपये दरमहा मिळतात तर पीएम किसान आणि नमो शेतकरी महासन्मान योजनेच्या लाभार्थी महिलांना दरमहा 500 रुपये मिळतात.

Continues below advertisement