LIC : एलआयसीनं मोठा डाव टाकला, 2026 मध्ये 22 टक्क्यांची घसरण झालेल्या स्टॉकवर पैसा लावला, 3 जूनला 51750 शेअरची खरेदी

LIC : एलआयसीनं राजेश एक्सपोर्टसमध्ये केलेल्या गुंतवणुकीबाबत प्रश्न निर्माण झालेले असतानाच 2026 मध्ये 22 टक्क्यांनी घसरण झालेल्या स्टॉकमध्ये एलआयसीनं गुंतवणूक वाढवलीय.

एलआयसी

भारतातील सर्वात मोठी विमा कंपनी असलेल्या लाईफ इन्शुरन्स कंपनी म्हणजेच एलआयसीनं मारुती सुझुकीमधील गुंतवणूक वाढवली आहे. एलआयसीनं 3 जून रोजी मारुती सुझुकीचे शेअर खरेदी केल्यानं त्यांची या कंपनीतील भागीदारी 5 टक्क्यांच्या वर पोहोचली आहे.

एलआयसीनं 3 जूनला 13064 रुपये प्रति शेअरनुसार नॅशनल स्टॉक एक्सचेंजवर मारुती सुझुकीचे शेअर खरेदी केल्याची माहिती आहे. एलआयसीनं मारुती सुझुकीतील गुंतवणूक 67,61 कोटी रुपयांनी वाढवल्याची माहिती आहे. एलआयसीनं मारुतीचे 51750 शेअर खरेदी केले आहेत.

मारुती सुझुकीचे एलआयसीकडे यापूर्वी 1.57 कोटी शेअर होते. तेव्हा एलआयसीची मारुती सुझुकीमधील गुंतवणूक 4.989 टक्के होती. त्यात 3 जूनच्या वाढीनंतर एलआयसीचा वाटा 5.006 टक्के झाला आहे.

मारुती सुझुकीच्या शेअरवर सध्या दबाव दिसून येत आहे. गेल्या महिनाभरात हा स्टॉक 3 टक्क्यांनी घसरला आहे. तर, 2026 मध्ये हा स्टॉक 22 टक्क्यांनी घसरला आहे. मारुती सुझुकीचा शेअर शुक्रवारी बीएसईवर 13048.69 रुपयांवर होता. तर, या स्टॉकचा 52 आठवड्यांचा उच्चांक 17371.60 रुपये आहे. तर, 52 आठवड्यांचा निचांक 12019.75 रुपये होता.

एलआयसी भारतीय इक्विटी शेअर बाजारातील सर्वात मोठा गुंतवणूकदार आणि खरेदीदार ठरली आहे. जानेवारी मार्च तिमाहीत एलआयसीनं 18500 कोटी रुपयांची गुंतवणूक विविध कंपन्यांमध्ये करत शेअर खरेदी केली आहे. यामध्ये बजाज फायनान्स, भारती एअरटेलचा समावेश आहे. याच तिमाहीत एलआयसीनं मारुती सुझुकीमध्ये 1374 कोटी रुपयांची गुंतवणूक केली.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)