Iran Israel War : एअरस्पेस बंद, सर्वत्र सायरनचे आवाज, इराण आणि इस्त्रायलकडून रात्रभर क्षेपणास्त्रांचा मारा,क्रूड ऑईलचे दर भडकले, जागतिक मार्केट क्रॅश

Iran Israel War : इराण आणि इस्त्रायल यांच्यातील संघर्ष पुन्हा भडकल्यानं जागतिक शेअर बाजारांमध्ये दबाव पाहायला मिळाला. आशियातील प्रमुख बाजारात घसरण झाली.

इराण-इस्त्रायल संघर्षाचा भडका, आशियाई बाजार घसरले

नवी दिल्ली : इराण आणि इस्त्रायल यांच्यातील पुन्हा एकदा भडकला आहे. इराणकडून रात्रभर इस्त्रायलवर क्षेपणास्त्रांचा मारा केल्यानं गुंतवणूकदारांच्या चिंतेत वाढ झाली. याचा परिणाम जगातील विविध बाजारांवर दिसून आला. तर, क्रूड ऑईलच्या दरात देखील मोठी वाढ झाली आहे.

अमेरिकन शेअर बाजारात शुक्रवारी मोठी घसरण पाहायला मिळाली होती. इराणनं इस्त्रायलवर क्षेपणास्त्रांचा मारा केल्यानंतर अमेरिकन स्टॉक फ्युचर्समध्ये घसरण झाल्याचा पाहायला मिळालं. यामुळं शस्त्रसंधीवरील संकट वाढलं असून अनिश्चिततेचं सावट वाढलं आहे.

दक्षिण कोरियातील कोस्पीमध्ये सुरुवातीला 7 टक्के घसरण झाली आहे. हाँगकाँगचा हेंग सेंग निर्देशांक 1.92 टक्क्यांनी घसरला. चीनच्या CSI 300 निर्देशांकात 1.5 टक्क्यांची घसरण झाली. तर, जपानचा निक्केई 225 निर्देशांक 4.6 टक्क्यांनी घसरला.

इराणनं इस्त्रायलवर क्षेपणास्त्रांचा मारा केल्यानं अमेरिका आणि इराणमधील शस्त्रसंधीवर संकट निर्माण झालं आहे. इस्त्रायलवर क्षेपणास्त्रांचा मारा करण्यापूर्वी इराणच्या संसदेचे अध्यक्ष एमबी घालीबाफ यांनी अमेरिकन नौदलानं केलेली नाकाबंदी आणि लेबनॉनशी संबंधित करारांचं उल्लंघन केलं जातंय.

इराण आणि इस्त्रायल यांच्यातील संघर्ष वाढल्यानं तेलाच्या दरात वाढ झाली. ब्रेंट क्रूड फ्यूचर्स 3.18 टक्क्यांनी वाढून 96.05 डॉलरर्सवर पोहोचले. तर, अमेरिकन वेस्ट टेक्सास इंटरमिजिएट फ्यूचर्स 3.46 टक्क्यांनी वाढून 93.67 डॉलर प्रति बॅरलवर पोहोचले आहेत.

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)