Gold Silver Rate : अमेरिका इराण युद्धामुळं सोने- चांदीच्या दरात घसरण सुरु, आठवड्यात सोने 4000 रुपयांनी स्वस्त, जाणून घ्या सोने-चांदीचे लेटेस्ट दर

Gold Silver Rate : अमेरिका आणि इराण यांच्यातील युद्ध सुरु झाल्यानं सोने आणि चांदीच्या दरात घसरण झालेली आहे. आज देखील सोने 1079 रुपयांनी स्वस्त झाले आहे.

सोने दर

अमेरिका आणि इराण यांच्यातील युद्धामुळं सोन्याच्या दरात घसरण सुरु होती. अमेरिका इराण यांच्यात शांतता करार झाल्यानं सोन्याच्या दरात वाढ झाल्याचं पाहायला मिळतंय. अमेरिकेनं इराणवर हल्ले सुरु केल्यानं सोने आणि चांदीच्या दरात मोठी घसरण झाली आहे.

अमेरिका इराण मध्ये पुन्हा एकदा युद्धाचा भडका उडाल्याचा परिणाम सोने चांदी दरात घसरण झाल्याचं पाहायला मिळत आहे. गेल्या आठवडा भरात सोन्याच्या दरात चार हजार रुपयांची तर चांदीच्या दरात सोळा हजार रूपयांची घसरण झाल्याचं पाहायला मिळत आहे.

सोने आणि चांदीच्या दरातील बदलांना युद्धजन्य स्थिती कारणीभूत असल्याचं जळगावातील सराफ व्यावसायिकांनी सांगितलं आहे. होर्मुझच्या सामुद्रधुनीवरुन होणाऱ्या घडामोडींवर सोन्याचे दर अवलंबून आहेत. अमेरिका आणि इराण यांच्यातील युद्ध लवकर थांबलं तर तेलाचे भाव कमी होतील आणि सोने आणि चांदीचे दर वाढतील, असं सराफा व्यावसायिक आकाश भंगाळे यांनी सांगितलं.

युद्ध सुरु राहिल्यास सोने आणि चांदीच्या दरांवर दबाव कायम राहण्याची शक्यता आहे. युद्धजन्य स्थिती सुरु राहिल्यास सोने आणि चांदीचे दर कमी होऊ शकतात. युद्ध थांबल्यानंतर सोन्याच्या दरात वाढ होईल, अशी शक्यता व्यावसायिकांनी वर्तवली आहे.

जळगावात एक तोळे सोन्याचा दर 1 लाख 42 हजारांवर आहे. चांदीचा एक किलोचा दर 2 लाख 22 हजारांवर आहे. युद्धजन्य परिस्थितीमुळं सोने दर कमी होण्याची शक्यता आहे. गेल्या महिन्यात चीननं मोठ्या प्रमाणात खरेदी केली.

Continues below advertisement

2025-2026 च्या दरम्यान सोन्याचा दर 1 लाख 30 हजारांपासून 1 लाख 80 दरम्यान होता. आता लग्नसराई नसून देखील मोठ्या प्रमाणात खरेदी सुरु आहे. आयबीजेएच्या दरांनुसार 24 कॅरेट सोन्याचा एका तोळ्याचा दर 143368 रुपयांवर होता. आज 1079 रुपयांची घसरण होऊन सोनं 142289 रुपयांवर आला आहे. तर, 22 कॅरेट सोन्याचा एका तोळ्याचा दर 130337 रुपयांवर आहे. एक किलो चांदीचा दर 217235 रुपयांवर आहे.