Gold Rate : पंतप्रधान मोदींच्या आवाहनानंतर भारतीयांनी सोने खरेदीचा पॅटर्नच बदलला, एका कृतीने मार्केटमधील सप्लाय वाढला, सोने-चांदीचे दर झटक्यात घसरले

Gold Rate : सोने आणि चांदीच्या दरात मोठी घसरण झाल्याचं पाहायला मिळालं आहे. आगामी काळात सोन्याच्या दरात घसरण व्हावी, असं ग्राहकांनी म्हटलंय.

बाजारात जुनं सोनं वाढलं, सोने चांदीच्या दरात घसरण

जळगाव : देशाचे पंतप्रधान नरेंद्र मोदी यांनी नागरिकांना एक वर्षभर सोने खरेदी नका असं आवाहन केलं होतं. त्यानंतर सोने व्यवसायावर त्याचा मोठा परिणाम झाल्याचं दिसून आलं होतं.

सोन्याचे दर स्थिरावल्याचं चित्र असतानाच सोने चांदीच्या दरात घसरण झाली आहे. सोन्याच्या दरात साडेतीन हजारांची तर चांदीच्या दरात दहा हजार रुपयांची घसरण झाली आहे.

सागर भंगाळे या सुवर्ण व्यावसायिकांनी नरेंद्र मोदी यांनी जनतेला केलेल्या आवाहनाचा परिणाम दिसत असल्याचं म्हटलं. नागरिक नव्यानं सोने खरेदी करण्याऐवजी जुनं सोनं मोडण्यावर भर देत असल्यानं बाजारात सोन्याचं प्रमाण वाढल्याचं भंगाळे यांनी सांगितलं.

बाजारात सोन्याचा स्टॉक जास्त असल्यानं आणि डॉलर मजबूत झाल्यानं सोन्याच्या दरात घसरण झाली आहे. गेल्या चोवीस तासात सोन्याच्या दरात साडेतीन हजार रूपयांची तर चांदीच्या दरात दहा हजार रुपयांची घसरण झाल्याचं सागर भंगाळे यांनी म्हटलं.

सोन्याचा एका तोळ्याचा जीएसटीसह 1 लाख 56 हजार रुपये आहे. तर, एक किलोचा चांदीचा जीएसटीसह दर 2 लाख 58 हजार रुपये असल्याचं सागर भंगाळे यांनी म्हटलं.

गेल्या काही दिवसांपूर्वी सोन्याचे दर 1 लाख 80 हजारांवर पोहोचले होते. त्या तुलनेत सोने खरेदीची सध्या चांगली संधी आहे. नरेंद्र मोदी यांच्या आवाहनानंतर नागरिकांकडून सोने मोडण्याचा कल दिसून येतो, असं सोने व्यावसायिक सागर भंगाळेंनी म्हटलं.