Gold Silver Rate : सोने चांदीच्या दरात मोठी वाढ, सोने 2300 रुपयांनी महागले, जाणून घ्या सोने चांदीचे लेटेस्ट दर

Gold Rate : सलग तिसऱ्या दिवशी सोन्याच्या दरात वाढ झाली आहे. डॉलर कमजोर झाल्यानं सोन्याच्या दरवाढीला आधार मिळाला आहे. दुसरीकडे चांदीच्या दरात देखील वाढ झाली आहे.

सोने दर बातम्या

अमेरिका आणि इराण यांच्यातील संघर्ष सुरु असून देखील सोने आणि चांदीच्या दरात वाढ सुरु असल्याचं पाहायला मिळतंय. आज सोने आणि चांदीचे दर वाढले आहेत. दुसरीकडे भारतीय शेअर बाजारात आज घसरण झाल्याचं पाहायला मिळालं. 24 कॅरेट सोन्याच्या दरात 2303 रुपयांची वाढ झाली तर चांदीच्या दरात 3034 रुपयांची वाढ झाली आहे.

इंडिया बुलियन्स ज्वेलर्स असोसिएशन म्हणजेच आयबीजेएकडून जारी करण्यात आलेल्या दरांनुसार सोने आणि चांदी महागली आहे. 24 कॅरेट सोन्याचा दर कालचा दर 143137 रुपये होता, आज त्यात 2303 रुपयांची वाढ झाली आणि दर 145440 रुपये तोळा झाला आहे. दुसरीकडे 23 कॅरेट सोन्याचा दर 144858 रुपये 10 ग्रॅम इतका आहे.

आयबीजेएनं जारी केलेल्या दरांनुसार 22 कॅरेट सोन्याचा मंगळवारी 21 जुलै रोजी दर 131113 रुपये 10 ग्रॅम इतका होता. तर आज त्यामध्ये वाढ झाली आहे. 22 कॅरेट सोन्याचा दर 2110 रुपयांनी वाढून 133223 रुपयांवर पोहोचला आहे.

सोन्याच्या दरात ज्या प्रमाणं वाढ झाली आहे त्या प्रमाणेच चांदी देखील महागली आहे. मंगळवारी सायंकाळी चांदीचादर 223204 रुपयांवर होता. एक किलो चांदीच्या दरात आज 3034 रुपयांची वाढ झाली आहे. आजचा एक किलो चांदीचा दर 226238 रुपयांवर पोहोचला आहे.

दरम्यान, इंडिया बुलियन्स ज्वेलर्स असोसिएशनकडून दिवसातून दोनवेळा दर जाहीर केले जातात. आयबीजेएकडून जारी करण्यात येणारे सोने आणि चांदीचे दर देशभर सारखे असतात. मात्र, जीएसटी आणि दागिने बनवणाऱ्यांचं शुल्काचा यामध्ये समावेश नसतो. सोने आणि चांदीवर केंद्र सरकारकडून 3 टक्के जीएसटी आकारला जातो. भारताचा परकीय चलनाचा साठा कमी होऊ नये म्हणून सरकारकडून सोन्यावरील आयात शुल्क वाढवण्यात आलं होतं.

Continues below advertisement